दमक। झापा दमकको पुरानो सहकारीमा कहलिएका कञ्चनजंघा बहुउद्देश्यीय सहकारी संस्थाको अध्यक्षमा पुनः मणिकुमार भण्डारी निर्वाचित भएका छन् । दमक ८ मा आफ्नै भवनबाट संचालित यो संस्थाले यसक्षेत्रमा छुट्टै पहिचान स्थापित गरिसकेको यो संस्थाको आगामी कार्यकालको लागि भण्डारीको अध्यक्षतामा सञ्चालक समिति चयन भएको हो ।

संस्थाका प्रमुख व्यवस्थापक निलकण्ठ निरौलाका अनुसार संस्थामा भएको निर्वाचन कार्यक्रम अनुसार भण्डारीको अध्यक्षतामा सञ्चालक समिति र गंगा प्रसाद संग्रौलाको संयोजकत्वमा लेखा सुपरिवेक्षण समिति निर्विरोध निर्वाचित भएको हो ।

संस्थाको उपाध्यक्षमा भरतकुमार चम्लागाइँ, सदस्यहरुमा क्रमशः विमल निरौला, इन्द्र प्रसाद खनाल, कृष्णराज थापा, लोकनाथ अधिकारी, चेतनाथ रिजाल, निर्मला आचार्य, हेमकुमारी कोइराला, कल्पना राई र पुण्यप्रसाद नेपाल निर्वाचित भएका छन ।

त्यसैगरी संग्रौलाको संयोजकत्वमा निर्वाचित लेखा सुपरिवेक्षण समितिका सदस्यहरुमा नरेन्द्र दाहाल र सुशीला गौतम रहेको व्यवस्थापक निरौलाले जनाएका छन् ।