प्रदेश संसद बिघटन गरे संघीयता समाप्त– यादव

 लिम्बुवान न्युज
प्रदेश संसद बिघटन गरे संघीयता समाप्त– यादव

दमक। समाजवादी पार्टी प्रदेश नं १ संसदीय दलका नेता जयराम यादवले प्रतिनिधिसभा बिघटन गरे जस्तै सनकका भरमा प्रदेश संसद्हरु बिघटन गरिए संघीयता नै समाप्त हुने बताएका छन् ।

बिहीबार झापाको दमकमा आयोजित पार्टीको एक भेलालाई सम्बोधन गर्दै नेता यादवले यस्तो बताएका हुन् । “यदाकदा प्रदेश संसद् पनि बिघटन हुनसक्छ भन्ने हल्ला छ । यस्तो आतमघाती कदम चालियो भने देशले लामो संघर्ष र बलिदानीबाट प्राप्त गरेको सङ्घीयता नै समाप्त हुन्छ“, उनले चिन्ता व्यक्त गरे ।

प्रदेश १ मा प्रदेश सरकारका मुख्यमन्त्री शेरधन राई विरुद्ध नेकपाका ३७ जना सांसदले अविश्वासको प्रस्ताव पेश गरेको प्रसङ्ग जोड्दै यादवले भने (“अहिले नेकपा राजनीतिक रूपमा मात्रै फुटेको देखिन्छ, कानूनी रूपमा उहाँहरु एकै हुनुहुन्छ । त्यसैले उहाँहरुको कार्बाही गरागर पनि दलको विधान अनुसार देखिँदैन ।“

उनले प्रदेश १ मा नेकपा विभाजित नै भए पनि कांग्रेससँग तलमेल नगरी सरकार निर्माण गर्न दुवै नेकपा समूह असफल हुने गणितीय अवस्था रहेको स्पष्ट पारे ।

प्रदेश सरकार बिघटन वा गठनमा आफूहरुको खासै चासो नरहेको भन्दै यादवले आफ्नो दल यो अवस्थामा तटस्थ रहने बताए ।

प्रधानमन्त्री केपी ओलीको संसद् बिघटन विरुद्ध जनता समाजवादी पार्टी नेपालले आह्वान गरेको केन्द्रीय आन्दोलनको कार्यक्रम अन्तर्गत पुष २९ गते बिर्तामोडमा हुने विरोध सभाको तयारी बारे आयोजित उक्त भेलामा पार्टीका केन्द्रीय सदस्य र प्रदेश सदस्य सहभागी थिए ।

केन्द्रीय कार्यकारिणी समिति सदस्य परशुराम बस्नेत, प्रदेश अध्यक्ष प्रवीण चाम्लिङ, प्रदेश सांसद राधा थापा, केन्द्रीय सदस्य नित्यानन्द ताजपुरिया लगायतले विरोधसभा सफल बनाउन केन्द्रीय समिति सदस्यहरुको मूल आयोजक समिति निर्माण गरेर अघि बढ्ने बताएका थिए ।

सम्बन्धित समाचार

लिम्बुवान सामाजिक मञ्च कतारको रिक्त पदमा मनोनित

कतार। प्रवास कतारको बसाई समाप्त गरेका र कोभिड १९ का कारण नेपालबाट फर्कन नसकेका संघीय लिम्बुवान सामाजिक मञ्च, प्रवास कतारमा रिक्त पदको पदपुर्ति गरिएको छ । मञ्चका बरिष्ठ उपाध्यक्ष डम्बर लिम्खिम मिसेकले प्रवास कतारको विभिन्न...

३ गते कांग्रेसको देशव्यापी विरोध प्रदर्शन, सक्रिय सहभागी हुन अपिल

काठमाडौं । नेपाली कांग्रेसले संसद विघटनको कदमविरुद्ध देशभर प्रदर्शन गर्ने जनाएको छ । पार्टी सभापति शेरबहादुर देउवाले विरोध प्रदर्शनमा सक्रिय सहभागी हुन अपिल गरेका छन् । कांग्रेसले गत पुस १३ गते १६५ निर्वाचन क्षेत्रमा र...

“आदिवासी जनजाति साहित्यकार महासंघ, नेपाल”को संयोजकमा राजन मुकारुङ्

दमक। आदिवासी जनजाति साहित्यकारहरूको साझा संस्थाका रूपमा ‘आदिवासी जनजाति साहित्यकार महासंघ, नेपाल’को तदर्थ समिति गठन भएको छ । मदनपुरस्कार विजेता साहित्यकार राजन मुकारुङकाे संयोजकत्वमा तदर्थ समिति गठन भएको हो । आज काठमाडौंमा एक कार्यक्रम गरि...

किरात समुदायको कक्फेवा तङ्नाम र थारुहरुको माघीपर्व धुमधाम मनाइदैं

दमक। आज माघ १ गते मक्कर संक्रान्ति अथवा किरातीहरुको यले तङ्बे ५०८१ नयाँ बर्ष मान्ने प्रचलन छ भने आज लिम्बु समुदायहरुले कक्फेवा तङ्नामलाई सांस्कृतिक चार्डको रुपमा मान्ने गर्दछन् । त्यसैगरी माघी पर्वको रुपमा आज थारु...