दमक। झापाको दमकमा सुविधा सम्पन्न होटलको शुभारम्भ भएको छ । दमक वडा नं. ५ मा आफ्नै भवनमा संचालित होटल थ्रि इनको पुष १७ गते देखि शुभारम्भ भएको हो ।

लामो समय मलेसियामा होटल क्षेत्रमा अनुभव हासिल गरेका कृष्ण आङ्देम्बेले बनाउनु भएको दमकको घरलाई होटलको संरचना बनाइएको भाइ भुवानी विक्रम आङ्देम्बे बताए । खाली घरलाई सदुपयोग गर्नलाई पनि होटल संचालनमा ल्याइएको हो – आङ्देम्बे भने ।

करिब अढाई कठ्ठा क्षेत्रमा फैलिएको यस होटलमा स्टार लेभलको सुविधासम्पन्न बार, गार्डेन बार, मिटिङ् रुम, मिनी सेमिनार हल, डिलक्स रुम, स्वीट रुम रहेका छन् । हाललाई १८ वटा डिलक्स रुपहरु रहेको संचालक आङ्देम्बेले बताए । एक हप्ता सम्म ओपनिङ्सेशन चल्ने बताउनु हुँदै आङ्देम्बेले –‘प्रत्येक बुधबार र शनिबार लाइभ प्रोग्राम गरिने बताए ।’ होटल संचालनमा आउन करिब ५ करोड रुपैयाँ अनुमानित खर्च भएको संचालन भवानीविक्रम आङ्देम्बेले बताएका छन् ।

होटललाई पाँच जना संचालकहरु कृष्ण आङ्देम्बे, भुवानीविक्रम आङ्देम्बे, पूर्णध्वज आङ्देम्बे, राजेन्द्र श्रेष्ठ र टिकाराम खतिवडाले संचालनमा ल्याएका हुन् ।

१ बर्ष भन्दा अगाडि देखि भौतिक संरचना बनाइएता पनि चैत्र देखिको लकडाउनको कारण समय मै होटल संचालन गर्न नसक्दा आफूहरु मारमा परेको अर्का संचालक टिकाराम खतिवडा बताउँछन् । खतिवडा दमक ६ का चिरपरिचित युवा व्यवसायी हुन् । उनको आफ्नै कस्मेटिकको होलसेल व्यापार रहेको छ बताए ।

हाललाई उक्त होटलले १९ जनालाई रोजगारी दिएको अर्का संचालक राजेन्द्र श्रेष्ठले बताए । दमककै नमूना होटलको रुपमा विकास गर्न यहाँका स्थानीय समाजसेवी, बुद्धिजिवी, संचारकर्मी लगायतसँग सहकार्य गरेर अघि बढ्नेसमेत संचालक श्रेष्ठले बताए ।