गौरीगंगा कैलालीमा संघीय मञ्चको अन्तरक्रिया

 लिम्बुवान न्युज
गौरीगंगा कैलालीमा संघीय मञ्चको अन्तरक्रिया

कैलाली। संघीय लोकतान्त्रिक राष्ट्रिय मञ्च तथा संघीय दलित शिल्पी मञ्चले गौरीगंगा राजीपुरमा राजनीतिक भेटघाट तथा अन्तरक्रिया कार्यक्रम गरेको छ । कार्यक्रम त्यहाँ रहेको उत्पीडित समन्वय मञ्चको समन्वयमा भएको हो ।

गौरीगंगामा राजनीतिक पार्टीलाई निशेष गरिएको भएपनि मञ्चको १०+१ प्रान्तीय मञ्चको अवधारणा अन्तर्गत संघीय दलित शिल्पी मञ्चलाई गैरभौगोलिक प्रान्तको रुपमा मञ्चले अवधारणा बनाएर दलित शिल्पी जातीहरुमाथि गरेको सम्मानले त्यसक्षेत्रमा प्रवेश गर्न सहज भएको दलित शिल्पी मञ्चका महासचिव शर्मिला वागचन्दले बताइन् ।

सो क्षेत्रका सबै अगुवाहरुलाई मञ्चको राजनीतिक एजेण्डा प्रदान गरिएको उक्त अन्तरक्रिया कार्यक्रममा मञ्चको मेचीकाली अभियानका प्रमुख मञ्चका अध्यक्ष कुमार लिङ्देन मिराकले मञ्चको अवधारणा प्रष्ट्याउनु भयो । अध्यक्ष लिङ्देनले–‘वर्तमान नेकपा सरकार र प्रतिपक्षी नेपाली कांग्रेसबाट दलित मुक्ति असम्भव भएको भन्दै सम्पूर्ण दलितहरुलाई मुक्ति र अधिकारको निमित्त मञ्चमा आवद्ध हुन आग्रह गरेका छन् ।’

उक्त राजनैतिक भेटघाट तथा अन्रक्रिया कार्यक्रममा मञ्चका संघीय अर्थसंयोजक विष्णु यक्सो, संघीय सचिवद्वय शान्ता योङ्हाङ्, इन्दीरा मेन्याङ्बो, अर्थ सचिव दिपा लिम्बु, संघीय सदस्यहरु चन्द्र लावासा कन्दङ्वा, सुर्य लिम्बु त्यसैगरी दलित शिल्पी मञ्चकी महासचिव शर्मिला वागचन्द्र लगायत नेताहरुको सहभागिता रहेको थियो ।

यसैगरी झापाको शिवसताक्षी १० को मिरमिरे टोलमा सोनिराम ऋषिदेवको अध्यक्षतामा १५ सदस्यीय संघीय लिम्बुवान मञ्च, नेपाल टोल समिति गठन भएको छ । कार्यक्रम युवा नेता बादल राईको सक्रियतामा केन्द्रीय नेताहरुको उपस्थितिमा सम्पन्न भएको छ ।

सम्बन्धित समाचार

याक्थुङ साहित्य प्रतिष्ठानद्वारा पाँच बुँदे येहाङनगर घोषणा–पत्र जारी

दमक । याक्थुङ साहित्य प्रतिष्ठानले दमक–१ स्थित येहाङनगरबाट ‘पाँच बुँदे येहाङनगर घोषणा–पत्र २०७८’ विज्ञप्ति मार्फत जारि गरेको छ । गत शनिबार सम्पन्न प्रतिष्ठानको प्रथम अधिबेसनबाट नव निर्वाचित कार्य समितिका अध्यक्ष सेसेमी से नाल्बो र महासचिव...

लुम्बिनीमा मन्त्री बनेका जसपा नेताहरुलाई राजीनामा दिन अल्टिमेटम

लिम्बुवानखबर । जनता समाजवादी पार्टी (जसपा)ले लुम्बिनी प्रदेशमा मन्त्री पदको सपथ लिने ४ नेतालाई निलम्बन गरी २४ घण्टे स्पष्टीकरण सोधेको छ । जसपा लुम्बिनी प्रदेश समितिका अध्यक्ष अशोककुमार यादवले सोमबार विज्ञप्ति जारी गरी मन्त्री पदको...

अमेरिकामा मणि बाङदेलको नेतृत्वमा आदिवासी जनजाति साहित्यकार महासंघ गठन

न्यूयोर्क क्वीन्स। अमेरिकामा बस्दै आएका आदिवासी जनजाति साहित्यकारहरु एकजुट भएका छन् । आइतबार मणि बाङदेल राईको अध्यक्षतामा आदिवासी जनजाति साहित्यकार महासंघ गठन भएको छ ।“साहित्यमा आदिवासी जनजाति सौन्दर्य लेखौ ।” भन्ने नाराका साथ भेला भएको...

लिम्बुवानद्वारा सरकारलाई औपनिवेशिक नीति रोक्न चेतावनी

दमक। सरकारले आदिवासी जनजाति माथिको औपनिवेशिक नीति रोक्न संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्चले चेतावनी दिएको छ । आदिम सृष्टिकालदेखिनै ताप्लेजुङ् जिल्लामा अवस्थित मुक्कुमलुङ हिमालको नाम परिवर्तन गरी पर्वते भाषाकरण गरेकोमा त्यसको विरोध...