तेह्रथुम। पुर्बी नेपालमा बसोबास गर्दै आएका तुम्खेवा लिम्बुहरु पछिल्लो समय संगठित हुन थालेका छन । खास गरी तेह्रथुम र धनकुटा जिल्लाको छथरथुम क्षेत्र बसोबास गर्दै आएका तुम्खेवाहरु संगठित बनेका हुन ।
६ थरी खेवाहरु मध्ये एक थरी तुम्खेवाहरु यतीबेला संगठित हुन थालेका छन् । यही पौया २५ गते तेह्रथुमको धुर्पुजेडाडामा अन्तराष्ट्रीय रुपमा भेला भई संगठित बनेको अभियान्ता पृथ्बीमान तुम्खेवाले बताए ।
ताक्लुङ यक(गढी)लाई शिरोपरी विश्वमा रहेका तुम्खेवालाई संगठित गराउँदै भाषा कला साहित्य संस्कार संस्कृतिको संरक्षण तथा सामाजिक बिकासमा काम गर्ने उद्देश्यका साथ संगठित बनेको अभियान्ता तुम्खेवाले जानकारी दिनु भयो । भुटान, भारत, सिगापुर, बेलायत तथा नेपाल लगायतका देशका तुम्खेवा लिम्बुको भेलाले संगठित बनाएको हो ।
भेलाले सिताराम तुम्खेवा र देवचन्द्र तुम्खेवाको संयोजकत्वमा ९ सदस्यीय तदर्थ समिति गठन गरेको छ । संगठित बनेसँगै तुम्खेवा लिम्बुहरुको बंशावली निमार्णका लागी अभियान सुरु गर्ने जनाइएको छ ।
विभिन्न मुलुकमा छरिएर रहेका तुम्खेवाहरुलाई संगठित गराउँदै जाने तुम्खेवा समुदायमा सामाजिक विकास गर्ने लगायतका उद्देश्यका साथ समिति निमार्ण गरिएको थियो । भेलामा तुम्खेवा वंशावली निमार्ण तथा संस्थागत विकासको बिषयमा छलफल भएको थियो । भेलामा लिम्बु समुदायको मौलिक केलाङ नाँच समेत प्रस्तुत गरिएको थियो ।
