लोक गायक एलपी जोशीको निधन
दमक, ११ असार । दमक निवासी लोकप्रिय लोक गायक लक्ष्मीप्रसाद (एलपी) जोशीको निधन भएको छ । बिहीबार ८८ वर्षीया गायक तथा गीतकार जोशीको झापाको विर्तामोडमा निधन भएको हो । वि.सं. १९९३ सालमा धनकुटा बजारमा जन्मिएका...
झापा। झापाको व्यस्त शहर विर्तामोडमा चौथो राष्ट्रिय भक्का दिवस भव्य रुपले मनाउने बताइएको छ । कोचिला गाभुर फ्रन्ट सामाजिक संस्था केन्द्रीय समितिको आयोजनामा बुधबार बिर्तामोडमा चौथो राष्ट्रिय भाक्का दिवस बताइएको छ ।
बिर्तामोड स्थित नवनिर्मित सिटीसेन्टरको प्राङ्गणमा कोच लोक साँस्कृतिक कार्यक्रमसहित भाक्का दिवस मनाइने कोचिला गाभुर फ्रन्टका केन्द्रीय अध्यक्ष अभय राजवंशीले बताए ।
यस संस्थाले २०७४ सालदेखि प्रत्येक वर्ष पुस २९ गतेलाई ‘राष्ट्रिय भाक्का दिवस’ घोषणा गरी कोच लोक साँस्कृतिक कार्यक्रमसहित ‘राष्ट्रिय भाक्का दिवस’ मनाउँदै आएको छ ।
कोच राजवंशी समुदायमा मात्र सीमित रहेको भाक्का खाने चलन पछिल्लो समय सबै जातिको लोकप्रिय बनेपछि भाक्काको प्रवद्र्धन गर्न कोचिला गाभुर फ्रन्ट सामाजिक संस्थाले पुस २९ गते ‘राष्ट्रिय भाक्का दिवस’ मनाउन थालिएको अध्यक्ष राजवंशीले बताएका छन् ।
सिटीसेन्टरमा बिहान ८ वजेदेखि हुने चौथो राष्ट्रिय भाक्का दिवस कार्यक्रममा भाक्काको विभिन्न परिकार खुवाइनुका साथै कोच लोक साँस्कृतिक कार्यक्रमद्वारा मनोरञ्जन प्रदान गरिने अध्यक्ष राजवंशीले बताएका छन् ।
