संखुवासभा। मुसाहाङ बंश उत्थान प्रतिष्ठान जिल्ला शाखा समिति संखुवासभाको चौथो जिल्ला अधिबेशन सम्पन्न भएको छ । प्रतिष्ठानका केन्द्रीय अध्यक्ष बिष्णुराज मुसाहाङ लिम्बूको प्रमुख आतिथ्यतामा आइतबार कार्यक्रम सम्पन्न भएको हो ।

जिल्ला अधिबेशनले अगमे मुसाहाङको अध्यक्षतामा ७ सदस्यीय समिति चयन गरेको छ । समितिको उपाध्यक्षमा बाल कुमारी मुसाहाङ, सचिब रुक्मान मुसाहाङ, सह–सचिब सन्तोष मुसाहाङ र कोषाध्यक्षमा दिलमाया मुसाहाङ चयन भएका छन् भने सदस्यहरुमा सुष्मा कुमारी मुसाहाङ र बिष्णु माया मुसाहाङ चयन भएका छन् ।

अधिबेशनमा प्रतिष्ठान केन्द्रीय महासचिव डिल्लीश्वर मुसाहाङ अम्याङसा, केन्द्रीय सल्लाहकारद्वय हिन्दराज मुसाहाङ र रामकुमार मुसाहाङ त्यसैगरी धर्मदेबी नगरपालिका वडा नम्बर १ का वडा जनप्रतिनिधि नारायण मुसाहाङ, प्रतिष्ठान पुर्ब केन्द्रीय सदस्यद्वय अगमे मुसाहाङ र भिमराज मुसाहाङ लगायतले बोलेका थिए ।

मुसाहाङ बंश उत्थान प्रतिष्ठान जिल्ला शाखा समिति संखुवासभाका उपाध्यक्ष बाल कुमारी मुसाहाङको अध्यक्षतामा सम्पन्न भएको कार्यक्रममा जिल्ला सदस्य सुष्मा कुमारी मुसाहाङले स्वागत मन्तव्य राखेका थिए भने सचिब रुक्मान मुसाहाङले कार्यक्रम संचालन गरेका थिए ।