काठमाडौं। निर्माणाधिन लिम्बू कथानक चलचित्र ‘थिम्’ को ‘चिङ्सिन्ञासाङ्’ बोलको गीत बुधबार रेकर्डिङ सम्पन्न भएको छ । याक्थुङ फिल्मस प्रा.लि.द्वारा निर्माण हुन लागेको उक्त गीत ललितपुर स्थित ओपेरा रेकर्डिङ स्टुडियो सातदोबाटोमा रेकर्ड गरिएको हो ।

सागर केरुङको शब्द, बुद्धराज लिम्बूको संगीत रहेको उक्त गीतलाई मनि ताम्लिङ र इन्दु फोम्बोको आवाजमा सुन्न सकिनेछ । आगामी माघ अन्तिम हप्ताबाट छायाङकन हुने चलचित्रमा सुजन आङ्देम्बे र सुनिता थेगिमको ‘छुइ छुइ हा’ नामक चर्चित गीत समाबिष्ट छ ।

चलचित्रलाई यलम्बर खम्बूले निर्देशन गर्ने भएका छन् । चलचित्रको कलाकारहरु सबै निश्चित भइनसकेको निर्देशक खम्बुले बताएका छन् ।