काठमाडौं । नेपाली कांग्रेसले संसद विघटनको कदमविरुद्ध देशभर प्रदर्शन गर्ने जनाएको छ । पार्टी सभापति शेरबहादुर देउवाले विरोध प्रदर्शनमा सक्रिय सहभागी हुन अपिल गरेका छन् ।
कांग्रेसले गत पुस १३ गते १६५ निर्वाचन क्षेत्रमा र पुस २५ गते ३३० प्रदेशसभा निर्वाचन क्षेत्रमा विरोध प्रदर्शन गरेको थियो । माघ १ गते शनिबार नेपाली कांग्रेसले ७५३ वटै स्थानीय तहमा विरोध प्रदर्शन गर्ने जनाएको छ ।
आज (शुक्रबार) कांग्रेस सभापति शेरबहादुर देउवाले एक विज्ञप्ति जारी गर्दै ‘पार्टीको सबै तहका नेताकार्यकर्ताहरूसँगै समस्त लोकतन्त्रवादी शक्तिहरुलाई समेत विरोध प्रदर्शनमा व्यापक सहभागी भएर नेकपा ओली सरकारको असंवैधानिक र अलोकतान्त्रिक कदमका विरुद्ध ऐक्यवद्धता प्रकट गर्न अपील गर्दछु ।’ भनेका छन् ।
संसद विघटन नेपालको मूल्य र मान्यतालाई विर्सेर ओली सरकारले असंवैधानिक र अलोकतान्त्रिक कदम उठाएको ठहर नेपाली कांग्रेसले गरेको छ । त्यसविरुद्ध कांग्रेस संघर्षमा निस्किएको जनाएको छ ।
