दमक।संघीय लिम्बुवान मञ्च, नेपाल दमक नगर समितिले बनभोज कार्यक्रम आयोजना गरेको छ । इलाम चुलाचुली ५ को पर्यटकीय क्षेत्र चपेटीमा उक्त कार्यक्रम आयोजना गरिएको हो ।

लिम्बुवान मञ्च दमक नगरका अध्यक्ष याम लिम्बुले नगर समिति र वार्ड समितिका अगुवा नेता कार्यकर्ताहरुको उपस्थितिमा बनभोज गरिएको जनाएका छन् । नेता कार्यकर्ताहरु बिच भोटघाट, आपसी छलफल र अन्तरक्रिया गर्न सजिलो होस् भने सो कार्यक्रम आयोजना गरिएको हो –अध्यक्ष लिम्बुले बताउनु भयो ।

आज (शनिबार) आयोजित बनभोज कार्यक्रममा अत्यन्तै चिसो मौसम भएतापनि दमक नगर समिति र वार्ड समितिहरुबाट १ सयको हाराहारीमा नेताहरुको सहभागिता रहेको कार्यक्रम संयोजक लिम्बुवान मञ्च नगरका सचिवालय सदस्य सीता केरुङ् लिम्बुले बताइन् । उनले यो कार्यक्रमले नगरमा रहेका नेताहरु बिच चिनजान हुन थप सहज भएको बताइन् ।

बनभोज कार्यक्रममा दमकमा रहनु भएका मञ्चका केन्द्रीय नेताहरु उपाध्यक्ष सुरेन्द्र लिम्बु नोनाम, उपमहासचिवहरु दिल कुमार लावती, भानु भट्टराई, सचिव विष्णु माया थापा भट्टराई, केन्द्रीय सदस्य चन्द्र कन्दङ्वा, लिम्बुवान भोलेन्टियर्सका उपकमाण्डर विजय मगर, जिल्ला उपाध्यक्ष नारायण तामाङ्, जिल्ला सदस्य प्रकाश धिमाल लगायत नेताहरुको पनि उपस्थिति रहेको थियो ।