झापा । किरात याक्थुङ् चुम्लुङ झापाको ११ औ जिल्ला अधिवेशन आगामी फागुन २८ र २९ गते विर्तामोडमा हुने भएको छ । सोमबार बसेको नियमित जिल्ला कार्य समितिको बैठकले जिल्ला अधिबेशनको मिति तय गरेको हो ।

चुम्लुङ झापा जिल्लाले जिल्ला अन्तर्गतका नगर र गाउँ शाखाहरुले आगामी फागुन १५ गतेभित्र नगर वा गाउँ अधिवेशन सम्पन्न गरि सक्नुपर्ने समेत निर्णय गरिएको जिल्ला सह–सचिव कविन्द्र सेर्मा लिम्बुले जानकारी दिएका छन् ।

चुम्लुङको विधानत ३ वर्षमा जिल्ला अधिवेशन सम्पन्न गर्नुपर्ने प्रावधान अनुरुप झापा जिल्लाको पनि कार्यवधि यहि फागुन दोस्रो साता सकिने भएकाले जिल्ला शाखालाई अध्यावधिक गर्दै लैजानका लागि समयमै जिल्ला अधिवेशन सम्पन्न गर्न लागिएको जिल्ला अध्यक्ष भक्त खेवाङ्ले जानकारी दिए ।

जिल्ला अधिबेशनका लागि यहि माघ मसान्तभित्र जिल्लाभित्रका साधारण सदस्य, आजीवन सदस्य, संरक्षक सदस्य र विशिष्ठ संरक्षक सदस्यहरुको यथार्थ संख्याको अध्यावधिक समेत गरिसक्ने निर्णय भएको कावा अध्यक्ष सेसेहाङ् फियाकले बताए ।