प्रदेश १ को प्रदेशसभा बैठक आजबाट शुरु

 लिम्बुवान न्युज
                       

विराटनगर। प्रधानमन्त्री केपी शर्मा ओलीले प्रतिनिधिसभा विघटन पश्चात प्रदेश नं. १ मा आज प्रदेशसभाको बैठक शुरु हुने भएको छ । विवादका बीच शुरु हुने बैठकलाई ध्यानमा राख्दै सदस्यहरु बस्ने कुर्सीमा समेत फलामको पाता वेइल्डिङ् गरिएको प्रदेशसभा सचिवालयले जनाएको छ । त्यसैगरी सुरक्षा सतर्कतालाई ध्यानमा राखेर मर्यादा पालकको संख्या समेत थप गरेको छ ।

मुख्यमन्त्री शेरधन राईविरुद्ध अविश्वास प्रस्ताव दर्ता भएको अवस्थामा बस्न लागेको प्रदेशसभा बैठकलाई सर्वत्र चासोका साथ हेरिएको छ । नेकपाका दुई समूहले एकले अर्कोलाई कारवाही गरेर दलको नेतासम्म फेर्ने घोषणा गरेका छन् । तर, बैठक स्थलमा भने नेकपाका दुई अलग समूहका लागि एकै हारमा कुर्सीको व्यवस्था गरिएको छ । अहिलेसम्म नेकपा एउटै पार्टी रहेकोले सबै सांसदलाई सत्तापक्षकै लाइनमा राख्ने प्रबन्ध गरिएको प्रदेशसभा सचिव गोपालप्रसाद पराजुलीले बताए ।

प्रमुख विपक्षी नेपाली कांग्रेस, त्यसपछि जनता समाजवादी पार्टी अनि राप्रपा र संघीय लोकतान्त्रिक राष्ट्रिय मञ्चका सांसद् बस्ने कुर्सीको प्रबन्ध गरिएको सचिवालयले जनाएको छ ।

 

प्रदेशसभा बैठक सञ्चालन हुनुअगावै सभामुख प्रदीपकुमार भण्डारीले उत्पन्न वर्तमान परिस्थिति र कानुनी व्यवस्थाबारे कानुन व्यवसायीसँग पनि छलफल गरेका छन् । भण्डारीले भने, “संविधानद्वारा प्रदेशलाई प्रदत्त अधिकार र प्रदेशसभा नियमावलीअनुसार नै बैठक सञ्चालन हुनेछ । राजनीतिक रुपमा उठेका विवादको निरुपण गर्ने जिम्मा भने राजनीतिक दलको हो ।”

प्रदेश–१ मा नेकपाका ६७, कांग्रेसका २१, जनता समाजवादी पार्टीका ३, राप्रपा र संघीय लोकतान्त्रिक राष्ट्रिय मञ्चका एकरएकजना सांसद् छन् । नेकपाको विवादपछि भने सांसद् संख्याको वषयमा दुवै समूहले आफूसँग बढी भएको भन्दै फरक–फरक दाबी प्रस्तुत गरिरहेका छन् ।

सम्बन्धित समाचार

चैत्र २५ देखि संघर्ष समितिले निर्णायक आन्दोलन गर्ने

दमक, १६ चैत्र । कोशी प्रदेश नाम खारेजको माग गर्दै आन्दोलन गरिरहेका पहिचानवादीले निर्णायक आन्दोलनका कार्यक्रम घोषणा गरेका छन् । प्रदेश नं १ पुनः नामाङकन संयुक्त संघर्ष समितिले चैत २५ गतेपछि प्रदेश राजधानी विराटनगर केन्द्रित...

कोशी प्रदेश नामाङकनको विरोधमा संघर्ष समितिद्वारा स्थानीय तहमा तालाबन्दी

दमक, १४ चैत । कोशी प्रदेश नामाङकन खारेजीको माग राख्दै आन्दोलनरत प्रदेश नं. १ पुनः नामाङकन संयुक्त संघर्ष समितिले स्थानीय तहहरुमा आजबाट तालाबन्दी शुरु गरेका छन् । प्रदेश १ को नाम पहिचानसहितको पुनः गरिनुपर्ने मुख्य...

लाजेहाङलाई राष्ट्रिय शहीद घोषणा गर्न माग

काठमाडौं, १४ चैत्र । जनता समाजवादी पार्टी (जसपा), नेपालले कोशी प्रदेश नामकरणको विरोधमा भएको आन्दोलनका क्रममा ज्यान गुमाएका पदम लिम्बु (लाजेहाङ्)लाई शहीद घोषणा गर्न माग गरेको छ । जसपाका प्रवक्ता मनिष सुमनले मंगलबार एक विज्ञप्ति...

विराटनगरमा पहिचानवादीहरुको आन्दोलन, हवाई फायर र अश्रुग्याँस प्रहार, २९ भन्दा धेरै घाइते

विराटनगर, १४ चैत्र । मोरङको विराटनगरस्थित होटेल बिगमा कोसी प्रदेशसभाका सांसद सहभागी हुने एक कार्यक्रममा अवरोध गर्न पहिचानवादी नेता–कार्यकर्ताले गरेको प्रदर्शनको क्रम प्रहरी र प्रदर्शनकारी विच झडप हुँदा २९ जना घाइते भएका छन् । दिगो...