८ माघ, काठमाडौं । नेपाल र इजरायलबीच भएको ‘इजरायलको विशिष्ट श्रम बजारमा नेपाली कामदारको अस्थायी रोजगारीसम्बन्धी सम्झौता’ हुने भएको छ । आज दुई देशका अधिकारीबीच गत असोजमा भएको सम्झौता कार्यान्वयनका लागि ‘इम्प्लिमेन्टेसन प्रोटोकल’मा हस्ताक्षर हुने भएको हो ।
आज हुने प्रोटोकल हस्ताक्षरमा नेपाल सरकारका तर्फबाट वैदेशिक रोजगार विभागका महानिर्देशक कुमार दाहाल र इजरायल सरकारका तर्फबाट नेपालका लागि इजरायली राजदूत हनान गोदरले गर्ने श्रम, रोजगार तथा सामाजिक सुरक्षा मन्त्रालयले जनाएको छ ।
अब यो हस्ताक्षर भएसँगै इजरायलको विशिष्ट श्रम बजार नेपाली युवाका लागि खुल्ला हुने र पहिलो चरणमा ५०० जना नेपाली युवाले रोजगारीका लागि इजरायल जाने बताइएको छ । यसरी जाने युवाले केयरगिभर, कृषि, होटल तथा रेष्टुरेन्ट, निर्माणलगायत क्षेत्रमा काम गर्नेछन् । उनीहरुले इजरायली श्रम कानूनअनुसार सेवा सुविधा पाउनेछन् ।
दुई देशबीचको सरकार–सरकार संयन्त्र (जिटुजी) बाट नेपाली इजरायल जानेभएको हुँदा इजरायली रोजगारमा निजी क्षेत्रलाई सहभागी गराइएको छैन । यसअघि विभिन्न चरणमा छलफल भई सहमतिसमेत भइसकेकाले पहिलो क्षेत्रका रुपमा इजरायलको नर्सिङ क्षेत्र (अस्पताल, नर्सिङ होम, दिवा स्याहार केन्द्रलगायत) मा नेपालीले रोजगारीको अवसर प्राप्त गर्नेछन् ।
इजरायललाई वैदेशिक रोजगारीका लागि आकर्षक गन्तव्यका रुपमा लिइन्छ । सामाजिक सुरक्षा तथा श्रमिक स्वास्थ्य सुरक्षाका दृष्टिले इजरायल विश्वकै उत्कृष्ट मुलुकमा पर्दछ ।
इजरायलमा हाल करिब २ हजार ५०० को संख्यामा रहेको नेपाली दुतावासले जनाएको छ । हाल इजरायलले नेपाली कामदार लैजान बन्द गरेको थियो तर अब इजरायलले पछिल्लो समयमा नेपाली श्रमिक लैजाने चाहना गरेको हो । इजरायलले कृषि तथा केयर गिभरको क्षेत्रमा विदेशी कामदार लिँदै आएको छ ।
नेपाल र इजरायलबीच गत असोज १४ गते इजरायलको विशिष्ट श्रम बजारमा नेपाली कामदारको अस्थायी रोजगारीसम्बन्धी सम्झौता’मा हस्ताक्षर भएको थियो । उक्त सम्झौतामा नेपालका तर्फबाट नेपाली राजदूत डा. अञ्जान शाक्य र इजरालयका तर्फबाट त्यहाँका परराष्ट्रमन्त्री गावी अस्खेनाजीले हस्ताक्षर गरेका थिए ।
दमक, २९ फाल्गुन । झापाको दमकबाट विगत पाँच बर्षदेखि निरन्तर अपडेट रहेको लिम्बुवानखबर डटकम न्यूजपोर्टलका सम्पादक तेह्रथुम फेदापका विष्णुकुमार लिम्बु "सेसेहाङ" बैबाहिक वन्धनमा बाँधिएका छन् । विहीबार (आज) दश लिम्बुवान सत्रथुमको रीतिथिति अनुसार तेह्रथुम जिल्ला...
दमक, २६ फाल्गुन । दमकमा लिम्बू भाषिक चलचित्र ‘चे’ अर्थात ‘लास’को विशेष प्रर्दशनी गरिएको छ । माङ्गेन्ना पब्लिकेशन एण्ड मिडिया प्रा.लि. र लिम्बू भाषा साहित्य प्रतिष्ठान दमकले संयुक्त रूपमा चलचित्रको प्रर्दशन गरेको हो । दमकस्थित...
ललितपुर, २२ फाल्गुन । मुक्कुमलुङमा केवलकार निर्माण खारेजी पक्षधरले मुक्कुमलुङ रक्षार्थ र राज्यको मानवता बिरोधि ‘फुङलीङ काण्ड’ विरुद्ध काठमाडौंमा बृहत् प्रदर्शन गरेका छन् । बुधबार मुक्कुमलुङ ताङसेःप चुम्भाे र मुक्कुमलुङ संरक्षण अन्तरदलीय संयुक्त संघर्ष समितिले...
ललितपुर, २१ फाल्गुन । मुक्कुमलुङ ताङसेःप चुम्भो र मुक्कुमलुङ संरक्षण अन्तरदलीय संयुक्त संघर्ष समितिको संयुक्त आयोजनामा काठमाडौंस्थित माईतीघर मण्डलामा आज विरोधसभा हुँदैछ । लिम्बु याक्थुङहरुको पवित्र मुन्धुमी सांस्कृतिकस्थल मुक्कुलुङ्मा केवलकार निर्माण शुरुभएसँगै नो केवलकार पक्षले...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८