दमक, ९ माघ । झापाको दमक ८ स्थित राष्ट्रिय बहुमुखी सहकारी संस्थाले संस्थागत क्षमता अभिबृद्धि गराउने उद्देश्यले सहकारी शिक्षा सम्बन्धी प्रशिक्षण कार्यक्रम सञ्चालन गर्ने जनाएको छ । आज संस्थाको कार्यालयमा बसेको शिक्षा उपसमितिको बैठकले यहि माघ १६ र १७ गते दुई दिवसीय प्रशिक्षण कार्यक्रम गर्ने निर्णय भएको व्यवस्थापक कृष्ण गोलेले वताएका छन् ।

प्रशिक्षणमा सहकारीको उद्देश्य, लेखा पद्दति र यस सम्बन्धि कानुनका बारेमा विषयगत प्रशिक्षकले सहजीकरण गर्ने गोलेले वताए ।

शिक्षा उपसमितिका संयोजक दिपेनवाला राईको अध्यक्षतामा बसेको बैठकले संस्थामा आवद्ध सञ्चालक समिति, लेखा समिति, विभिन्न उपसमिति र कर्मचारीहरुको सहकारीका बारेमा थप अभिमुखीकरण गराउन प्रशिक्षण कार्यक्रम सञ्चालन गर्ने निर्णय भएको हो ।

संस्थाको आफनै सभाहलमा सञ्चालन हुने तालिममा तीन दर्जन बढीको सहभागिता रहने जनाईएको छ । प्रशिक्षण कार्यक्रममा जिल्ला सहकारी संघका सचिव युवराज ढकालले सहजीकरण गर्ने छन् ।