काठमाडौं । नेकपा ओली समूहका प्रमुख यूवा नेता तथा प्रदेश नं. १ का मुख्यमन्त्री शेरधन राईले लगनगाँठो कसेका छन् । उनी आइतबार विवाह बन्धनमा बाँधिएका हुन् । ४९ वर्षका राईले २३ वर्षीया मोडल जाङमु शेर्पासँग विवाह गरेका हुन् ।

काठमाडौं नक्साल स्थित एलिस रिसेप्सन पार्टी प्यालेसमा उनीहरुको विवाह भएको हो । करिब ५०० पाहुनाका बिच विवाह भएको छ ।

बेहुला पक्ष किरात परम्परा अनुसार र बेहुली पक्ष शेर्पा बौद्ध धार्मिक परम्परा अनुसार विवाह सम्पन्न भएको स्रोतले जनाएको छ ।