सुनसरीको झुम्का र धरानमा लिम्बुवानको १ दिने प्रशिक्षण

 लिम्बुवान न्युज
                       

  • बालकुमार ताम्ली

धरान। संघीय लोकतान्त्रिक राष्ट्रिय मञ्च तथा संघीय दलित शिल्पी मञ्चको अगुवाईमा सुनसरीको झुम्कामा १ दिने राजनीतिक प्रशिक्षण भएको छ । मञ्चका संघीय अध्यक्ष कुमार लिङ्देन मिराकद्वारा दलित तथा मुश्लिम नेता कार्यकर्ताहरुहरुलाई मञ्चले हालै प्रकाशन गरेको राजनीतिक एजेण्डा पुस्तकको समिक्षा गर्दै मञ्च र पहिचान राजनीति बारे प्रशिक्षण गराउनु भएको हो ।

वर्तमान सरकारको असंवैधानिक कदमले देशमा भईरहेको असहज परिस्थितिमा मञ्चले मेचीकाली अभियान शुरु गरेको बताउनु हुँदै अध्यक्ष लिङ्देनले १५ दिने मधेश, थरुहट, खसान यात्रा पश्चात दोस्रो चरणको लिम्बुवान यात्रा शुरु भएको बताए ।
आज आयोजित कार्यक्रममा दलित नेताहरुको बाक्लो उपस्थितिरहेको थियो भने मुश्लिम समुदायका अगुवा नेताहरु समेत सहभागी भएका थिए । मञ्चले १०+१ प्रान्तीय अवधारणा अनुसार कार्यक्रमहरु अगाडि बढाएको जनाएको छ ।

त्यसैगरी मञ्चका अध्यक्ष लिङ्देनद्वारा मंगलबार धरानको हिमाली सामुदायिक भवनमा सुनसरी जिल्लाका संघीय लिम्बुवान मञ्चका केन्द्रीय नेता, जिल्ला र लिम्बुवान भोलेन्टियर्सका कमाण्डरहरुलाई राजनीतिक प्रशिक्षण दिनुभएको मञ्चका जिल्ला इन्चार्ज भुपेन्द्र सुन्दर लावतीले बताए ।

मञ्चको ४ बर्षे राजनीतिक योजना अनुरुप मेचीकाली अभियानसँगै नेताहरुमा पुनः लिम्बुवान अन्तर्गतका ९ जिल्लाहरुमा प्रशिक्षण साथै आन्तरिक कार्ययोजना बारे कार्यक्रम शुरु गरिएको हो ।

आगामी चुनावमा जनताको घरघरमा दाप सहितको खुकुरी चुनाव चिन्ह पु¥याउन समेत मञ्चले सिसिओ अभियान अन्तर्गत घरदैलो कार्यक्रम समेत शुरु भएको जनाएकाे छ ।

कार्यक्रममा मञ्चका उपाध्यक्षहरु चन्द्र खापुङ्, भूपु डिएसपी कृष्णमान थेवे, अम्बर बहादुर पन्धाक, महासचिव शान्ता योङ्हाङ, संघीय अर्थ संयोजक विष्णु यक्सो लगायतका शिर्ष नेताहरुको समेत उपस्थिति रहेको थियो ।

सम्बन्धित समाचार

चैत्र २५ देखि संघर्ष समितिले निर्णायक आन्दोलन गर्ने

दमक, १६ चैत्र । कोशी प्रदेश नाम खारेजको माग गर्दै आन्दोलन गरिरहेका पहिचानवादीले निर्णायक आन्दोलनका कार्यक्रम घोषणा गरेका छन् । प्रदेश नं १ पुनः नामाङकन संयुक्त संघर्ष समितिले चैत २५ गतेपछि प्रदेश राजधानी विराटनगर केन्द्रित...

कोशी प्रदेश नामाङकनको विरोधमा संघर्ष समितिद्वारा स्थानीय तहमा तालाबन्दी

दमक, १४ चैत । कोशी प्रदेश नामाङकन खारेजीको माग राख्दै आन्दोलनरत प्रदेश नं. १ पुनः नामाङकन संयुक्त संघर्ष समितिले स्थानीय तहहरुमा आजबाट तालाबन्दी शुरु गरेका छन् । प्रदेश १ को नाम पहिचानसहितको पुनः गरिनुपर्ने मुख्य...

लाजेहाङलाई राष्ट्रिय शहीद घोषणा गर्न माग

काठमाडौं, १४ चैत्र । जनता समाजवादी पार्टी (जसपा), नेपालले कोशी प्रदेश नामकरणको विरोधमा भएको आन्दोलनका क्रममा ज्यान गुमाएका पदम लिम्बु (लाजेहाङ्)लाई शहीद घोषणा गर्न माग गरेको छ । जसपाका प्रवक्ता मनिष सुमनले मंगलबार एक विज्ञप्ति...

विराटनगरमा पहिचानवादीहरुको आन्दोलन, हवाई फायर र अश्रुग्याँस प्रहार, २९ भन्दा धेरै घाइते

विराटनगर, १४ चैत्र । मोरङको विराटनगरस्थित होटेल बिगमा कोसी प्रदेशसभाका सांसद सहभागी हुने एक कार्यक्रममा अवरोध गर्न पहिचानवादी नेता–कार्यकर्ताले गरेको प्रदर्शनको क्रम प्रहरी र प्रदर्शनकारी विच झडप हुँदा २९ जना घाइते भएका छन् । दिगो...