काठमाडौं । निर्वाचन आयोगले नेपाल कम्युनिस्ट पार्टी (नेकपा)का सरकार पक्ष र प्रचण्ड–माधव दुवै पक्षसँग आज छलफल गर्दैछ ।

सरकारको कामचलाउ प्रधानमन्त्री केपी शर्मा ओली र पुष्पकमल दाहाल ‘प्रचण्ड’लाई छुट्टाछुट्टै पत्र पठाएको निर्वाचन आयोगले आगामी निर्वाचन तयारी र दल दर्ता सम्बन्धमा छलफल गर्न बहादुर भवनस्थित कार्यालयमा बोलाएको हो ।

आयोगले निर्वाचनसम्बन्धी विषयमा छलफल गर्न आज बिहान ११ बजे दुवै अध्यक्ष र अध्यक्षले तोकेका आधिकारिक व्यक्ति गरी ५/५ जनालाई बोलाइएको प्रवक्ता राजकुमार श्रेष्ठले बताए ।

नेकपाको आधिकारिकतासम्बन्धी विवाद बाहिरीएसँगै आयोगलाई निर्वाचन चुनावी तयार गर्न निक्कै सकस परेको हुँदा दुवै नेकपा बिच आधिकारिताको विषयमा छलफल गर्ने भनेर आयोगले अहिलेसम्म छलफल गरेको छैन । तर अहिले नेकपा विवाद केन्द्र देखि तल गाउँसम्म पुगेको सन्दर्भ भएकाले त्यस विषयमा पनि छलफल हुनसक्ने आयोग स्रोतले जनाएको छ ।

नेकपाका दुबै पक्षले आफूलाई आधिकारिक दावी गर्दै निर्वाचन आयोगमा निवेदन दिएका छन् । तर ती निवेदनमा दुबै पक्षको दावी नपुग्ने निर्णय आयोगले यस अघि नै जनाइ सकेको छ ।