उर्लाबारी, १८ माघ। मुसाहाङ बंश उत्थान प्रतिष्ठान (इलाम, झापा, मोरङ र सुनसरी) को संयुक्त जिल्ला शाखा समितिको चौथो जिल्ला अधिबेशन सम्पन्न भएको छ । उक्त कार्यक्रम शनिबार प्रतिष्ठानको शाखा कार्यालय उर्लाबारी, मंगलबारेमा भएको हो ।

धर्मदेबी नगरपालिका १ नं. वडा प्रतिनिधि सदस्य तथा प्रतिष्ठान पुर्ब केन्द्रीय सदस्य नारायण मुसाहाङ लिम्बूको प्रमुख आतिथ्यता रहेको अधिबेशनले मङगले मुसाहाङको अध्यक्षतामा ७ सदस्यीय समिति चयन गरेको छ । समितिको उपाध्यक्षमा फुलकुमारी मुसाहाङ, सचिवमा रुप नारायण मुसाहाङ, सह–सचिवमा प्रेमकुमार मुसाहाङ, कोषाध्यक्षमा तिलबहादुर मुसाहाङ त्यसैगरी सदस्यहरुमा अर्जुन कुमार मुसाहाङ र मनि कुमार मुसाहाङ निर्वाचित भएका छन् ।

अधिबेशनमा प्रतिष्ठानका केन्द्रीय बरिस्ठ उपाध्यक्ष हस्त बहादुर मुसाहाङ, महासचिव मुसाहाङ अम्याङसा डिल्लीश्वर, उप–महासचिव यज्ञ बहादुर मुसाहाङ लगायतले शुभकामना मन्तव्य राखेका थिए ।

मुसाहाङ बंश उत्थान प्रतिष्ठान (इलाम, झापा, मोरङ, सुनसरी) जिल्ला शाखा अध्यक्ष मङगले मुसाहाङको अध्यक्षतामा सम्पन्न भएको थियो । त्यसैगरी जिल्ला उपाध्यक्ष फुलकुमारी मुसाहाङले स्वागत मन्तव्य राखेकी उक्त कार्यक्रम सचिव प्रेम कुमार मुसाहाङले संचालन गरेका थिए ।