दमक, २९ पुष । झापाको दमकस्थित गोर्खा डिपार्टमेन्टको हलमा लिम्बू भाषाको चलचित्र ‘थेत्लङ’ को बिशेष प्रदर्शनी हुने भएको छ ।
शुक्रबार बिहान ११ बजेदेखि उक्त चलचित्रको प्रदर्शनी हुने संयोजक विक्रम वनेम फागोले लिम्बुवान खबरलाई बताएका छन् । चलचित्र मनिकुमार सुव्वा र बी. राज लिम्बूको निर्माणमा सागर केरुङको पटकथा तथा सम्बाद र किशोर सुब्बाको निर्देशन रहेको छ । चलचित्रको विर्तामोडमा समेत प्रदर्शन गरिएको थियो ।
लिम्बू भाषाको चलचित्र ‘थेत्लङ’ को बिशेष प्रदर्शनी याक्थुङ मुन्चईत चोक सयङको संयोजनमा लिम्बू बिध्यार्थी मञ्च झापा, याक्थुङ युवा मञ्च झापा, किरात याक्थुङ चुम्लुङ झापा र किरात याक्थुङ चुम्लुङ दमक नगरले संयुक्त रुपमा आयोजना गर्ने भनिएको छ ।
चलचित्र ‘थेत्लङ’ को बिशेष पदर्शनी हुर्न याक्थुङ मुन्चईत चोक सयङका महासचिव समेत रहेका थेत्लङ बिशेष प्रदर्शन समितिका संयोजक वनेमले सबैमा आग्रह गरेका छन् ।
सिक्किमेली साहित्यकार देउमान लिम्बूको उपन्यास ‘थेत्लङ’ लाई पर्दामा उतारिएको चलचित्रमा बिशाल सेनेहाङ लिम्बू र दिव्या लिम्बूको मुख्य अभिनय रहेको छ ।
हेमन तामाङको छायाँकन, सम्पादन तथा ड्रोन छायाँकन रहेको चलचित्रमा देउमान लिम्बू, सागर केरुङ, दिलसिं मेन्याङबो र यादन सेर्माको गीत, कुल्बा सुव्वा, राजु आङदेम्बे, पविन आङदेम्बे र मनि ताम्लिङको संगीत रहेको छ ।
Related