विराटनगर, १ माघ । प्रदेश नं. १ का प्रदेश प्रमुख माननीय परशुराम खापुङद्वारा माघे संक्रान्तिको अवसरमा शुभकामना व्यक्त भएको छ ।

थारु जातिको माघी पर्व, किरातहरूको यलम्बर वर्ष, लिम्बूहरूको कक्फेक्वा तङ्नाम, मगर, छन्त्याल तथा खस ब्राम्हण समुदायले मान्ने माघे संक्रान्तिको शुभकामना दिनुहुँदै उहाँले भन्नुभएको छ –“प्रकृतिसँग अभिन्न नाता गाँसिएको नेपालमा विभिन्न बद्लिरहने मौसमसँगै चाडपर्वहरू पनि पर्ने गर्दछन् । र, यसलाई हामीले मनाउँदै आएका छौं । प्रकृतिकै सेरोफेरोमा मनाइने चाड माघे संक्रान्तिको अवसरमा सम्पूर्ण नेपाली दाजुभाई तथा दिदीबहिनीहरूमा सुख, शान्ति, समृद्धि, सद्भाव, सहिष्णुता, सु–स्वास्थ्य एवम् उत्तरोत्तर प्रगतिको लागि हार्दिक शुभकामना व्यक्त गर्दछु ।”

माघे संक्रान्तिलाई मानिसले सामाजिक तथा कृषिजीवनमा प्रवेश गर्दादेखिको चाड भएको बताउनुभएको छ । सामाजिक तथा कृषिजीवनमा प्रवेश गरेसँगै जमिनमा उब्जने अन्नबाली, फलफलेदोलाई प्रकृतिलाई नै चढाउनेदेखि बालीनाली लगाउँदा, थन्क्याउँदा पनि उत्सव मनाउने गरेको उहाँको भनाई छ ।

त्यसैगरी यस चाडले नेपाली सहिष्णुतालाई जोड्ने गरेको, भइपरी आउँदा तरुल, भ्याकुर खाएर पनि बाँच्नुपर्छ भन्ने सामाजिक सन्देश दिएको कुरालाई आफ्नो शुभकामना पत्रमा जनाउनुभएको छ ।