दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो ।

काठमाडौंमा छायांकन गरिएको भिडियोमा गायिका धिमाल, सागर केरुङ, सडज सम्बाहाङ्फे, सविन लिम्बू, गृष्म आङ्बुहाङ, नितुरानी नेम्बाङ, नुमा लिङ्देन, ज्योति लिम्बू र मनु पाहिमको अभिनय देख्न सकिन्छ।

भ्वाइस अफ नेपाल सिजन–२ की सेमिफाइनलिस्ट समेत रहेकी धिमालले यसअघि दर्जनौं धिमाल भाषाका गीत गाइसकेकी छन्। लिम्बू भाषाको चलचित्र ‘रीत’ मा समेत स्वर दिएकी उनले ‘सथिक मेबोक्से’ र ‘आदाङ्बे सेवारो’सहित तीनवटा लिम्बू गीत सार्वजनिक गरिसकेकी छन्।

धिमाल र लिम्बू भाषाबाहेक उनी दुई सयभन्दा बढी गीतमा स्वर दिइसकेकी छन्। डेढ दशक लामो संगीत यात्रामा मेचुले देशका विभिन्न मञ्चमा आफ्ना प्रस्तुति दिँदै आएकी छिन्।

भिडियाे तल लिङ्कमा हेर्नुहाेस्ः