दमक, १ माघ । किरात जातीहरुले कक्फेक्वा तङनाम (माघे संक्रान्ती) पर्वको रुपमा आज धूमधामका मनाइरहेका छन् । त्यसैगरी आजबाट लिम्बुहरुको नयाँ बर्ष समेत प्रारम्भ भएको छ ।
किराती जातीहरु राई, लिम्बु, याक्खा, सुनवारलगायतका जातजातिले विशेष गरेर धूमधामका साथ मनाउने यो चार्ड तङनाममा वन तरुल, घर तरुल, सखरखण्ड लगायत तरुल जन्य विभिन्न प्रकारका खानेकुरा बनाएर खाने चलन रहेको छ ।
आदिम काल देखि नै बन तरुललाई विशेष खाने प्रचलन रहेको बुझिन्छ । किरातीहरुको मुन्धुमसँग जोडिएको यो तङनाममा अन्नवाली नहुँदा यही वन तरुल सेवन गरी प्राण रक्षा गरेको भन्ने किराती किवंदन्ती रहेको पाइन्छ ।
आजबाट येले तङ्बे (दोङ) ५०८२ शुरु भएको छ । आज विहान मक्कर नुहाएर बन तरुलको टिका लगाएर तङनामको शुभारम्भ किरात जातीहरुले गर्ने परम्परा रहेको छ ।
यसैगरी पश्चिममा थारुहरुले पनि आजबाट माघी पर्व मनाउने चलन रहेको छ । थारुहरुको पनि आजबाट नयाँ बर्ष पारम्भ भएको मानिन्छ ।
Related