फेदाप, २ माघ । पोक्लाबाङ यक माङ्गेन्ना लुङ्धुङ थाम्रुङ फेदापको प्रथम साधारणसभा सम्पन्न भएपछि आज संस्थाको पारित रणनीति तथा कार्यक्रमहरु प्रेस विज्ञप्ति मार्फत सार्वजनिक गरेको छ ।

आइतबार सम्पन्न साधारणसभाले फेदाप क्षेत्रका ऐतिहासिक भुमिहरुलाई जिवन्त राख्न सबै खाले गतिविधि अघि बढाउने घोषणा गरेको हो । संस्थाका अध्यक्ष सेसेहाङ हुक्पाचोङबाङ्ले हस्ताक्षर गर्नुभएको विज्ञप्तिमा उक्त बिषयहरु उल्लेख गरिएको छ ।

फेदाप पोक्लाबाङमा भइरहेको माङ्गेन्ना थामरुङ अतिक्रमण रोक्न फेदाप गाउँपालिकालाई समेत ध्यानाकर्षण पत्र बुझाएको छ ।

आइतबार फेदाप गाउँपालिकाका अध्यक्ष हरि चोङबाङको कार्यकक्षमा गएर उक्त विज्ञप्ति हस्तान्तरण गरेको थियो । संस्थाले आगामी दिनहरुमा साहित्यिक, भाषिक, सांस्कृतिक, धार्मिक तथा सामाजिक एवं भुमि अधिकार, बाताबरण, जलवायु लगायतको क्षेत्रमा समेत काम गर्ने विज्ञप्ति मार्फत सार्वजनिक गरेको छ ।