दमक, ४ माघ । संघीय लोकतान्त्रिक राष्ट्रिय मञ्चले सोमबार प्रदेश नं. २ को नामकरण दुईतिहाई बहुमतले मधेश प्रदेश पास भएकोमा पूर्ण समर्थन जनाउँदै धन्यवाद एवम् बधाई ज्ञापन गरेको छ ।

मञ्चका संघीय महासचिव अशोक चेम्जोङ्द्वारा मंगलबार एक विज्ञप्ति जारी गर्दै मञ्च र मञ्चमा आबद्ध १०+१ प्रान्तीय मञ्चहरुको तर्फबाट मधेस प्रदेश पारित गराउन मूख्य भूमिका खेल्नु सत्तारुढ दल जसपा, माओवादी, त्यसैगरी लोसपा र पहिचान विरोधी पार्टीहरुका सदस्यहरुले समेत समर्थन जनाउने १९ जना सदस्य सबै प्रति धन्यवाद दिदैं पहिचानको आधारमा पहिलो प्रदेश नामकरण प्रति आभार प्रकट गरेको छ ।

संविधान मै समानुपातिक समावेशीको सामुदायिक क्लस्टरमा मधेशी भनी संवोधन भएको हुँदा मधेश प्रदेश आफैमा पहिचानको आधारमा नामकरण भएको मञ्चले भनेको छ ।

प्रदेश नं. २ को नामकरण मधेस प्रदेश हुनुले प्रदेश नं. १ लाई लिम्बुवान किरात खम्बुवान शेर्पा प्रान्त घोषणा गर्न थप मद्दत बल पुग्ने भन्दै यसरी नै पहिचानको आधारमा दलित, तामाङसालिङ, नेवा, तमुवान, मगरात, खसान, थरुहट प्रान्तहरु निर्माणमा निरन्तर आन्दोलित संघीय मञ्चलाई थप बल पुगेको विज्ञप्तिमा उल्लेख गरिएको छ ।

मञ्चले १७ बर्षदेखि शसक्त रुपमा सडक आन्दोलन गर्दै विगत ४ बर्षदेखि प्रदेश नं. १ को नामकरणको आन्दोलनमा केन्द्रित रहेर पटक–पटक अन्दोलन चर्कारहेको मञ्चले पहिचानको पक्षमा आन्दोलित दलहरुसँग निरन्तर सहकार्य गर्दै हालसम्म प्रदेश १ को नामकरण रोकिएको जिकीर गरेका छन् । मञ्चले प्रदेश ३ लाई बागमती, ४ लाई गण्डकी, ५ लाई लुम्बिनी, ६ लाई कर्णाली र ७ लाई सुदुरपश्चिमी प्रदेश नामकरण गरेको प्रति आपत्ती जनाउँदै यो घातक निर्णय प्रति गम्भीर बन्न समेत मञ्चले विज्ञप्ति मार्फत जनाएको छ ।