मेचीनगर, १५ माघ । संघीय लिम्बुवान मञ्च, नेपाल जिल्ला कार्य समिति झापाको समन्वयमा झापा क्षेत्र नं. १ को प्रदेश क निर्वाचन अध्यक्षमा चन्द्र कुमार राईको अध्यक्षतामा १७ सदस्यीय समिति गठन भएको छ ।
शनिबार मेचीनगरमा आयोजित कार्यक्रममा राईको अध्यक्षतामा नयाँ समिति गठन भएको हो ।
समितिको उपाध्यक्षहरुमा राजेन्द्र लाबु, हरी चेम्जोङ र भुवानी लिम्बु उपाध्यक्ष बनेका छन् भने सचिवमा आकाश केरुङ्, सहसचिवमा भुवानी महत खड्का र अर्थसचिवमा सुकवीर कन्दङ्वा चयन भएका छन् ।
यसैगरी उक्त भेलाले सदस्यहरुमा निम गणेश, सागर मगर, मन कुमारी आङ्देम्बे, कमल लिम्बु, गणेश नुगो, दिलहाङ सिंह, टुक बहादुर लिम्बु, बसन्त थेवे, अमिन नेम्बाङ, चन्दन श्रेष्ठ र अनिश योङहाङ चयन भएका छन् ।
कार्यक्रम लिम्बुवान प्रान्तीय सचिव धनबहादुर पन्धाकको अध्यक्षतामा सम्पन्न भएको थियो भने निर्वाचन समितिलाई प्रमाणपत्र प्रदान गरिएको झापा जिल्ला अध्यक्ष नगेन राईले बताए ।
कार्यक्रममा संघीय लोकतान्त्रिक राष्ट्रिय मञ्च प्रदेश नं. १ समन्वय समितिका सचिव भविराज तुम्सा, लिम्बुवान प्रान्तीय सचिवालय सदस्य मिन चम्लागाई लगायतका नेताहरुको उपस्थिति रहेको थियो ।
Related