पाँचथर, १६ माघ । पान्थर फिदिमस्थित सिंगापुर होटलमा आयोजित एक कार्यक्रममा विभिन्न पार्टी परित्याग गरी संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च, नेपालमा प्रवेश गरेका छन् । संघीय लिम्बुवान महिला मञ्च फेदेन नगर कार्यसमितिको आयोजनामा सम्पन्न कार्यक्रममा उनीहरू प्रवेश गरेका हुन् ।

आइतबार आयोजित उक्त कार्यक्रममा विभिन्न पार्टी परित्याग गरि प्रवेश गर्नेहरुमा शशी जगेगु सिगु, बिध्या आङ्बो, सुमिना नेम्बाङ, जेनिशा राई, बिमला हाङ्सरुम्बा, समीप आङ्बो, कौशिला नेम्बङ, जानुका लावती, रचना जबेगु लगायत रहेका छन् ।

संघीय लोकतान्त्रिक राष्ट्रिय मञ्चका संघीय सह–सचिव सागर केरुङकाे प्रमुख आतिथ्यतामा सम्पन्न भेलामा नवप्रवेशीहरुलाई पार्टीको सदस्यता वितरणसाथै अविरजात्रा गरिएको थियो । उक्त कार्यक्रममा संघीय लिम्बुवान प्रान्तीय मञ्चका सचिव सुनिता केरुङ, प्रान्तीय सचिवालय सदस्य देउकुमार नेम्बाङ, जिल्ला सचिव सुबास केरुङ नुनाम, जिल्ला सचिवालद्वय रामचन्द्र नेम्बाङ, आधार घिमिरे त्यसैगरी संघीय युवा मञ्च जिल्ला उपाध्यक्ष गगन जबेगु लगायतको उपस्थिति रहेको थियो । कार्यक्रम अञ्जुली केरुङकाे अध्यक्षतामा भएको थियो ।