दमक, ११ माघ । अहिलेका चर्चित गायिका सुनिता थेगिम र गायक सुजन आङदेम्बेको आवाजमा सजिएको पुर्वेली मौलिक भाकामा सजिएको रोमान्टिक गीत ‘सुन काटी शिरमा’ को भिडियो सार्वजनिक गरिएको छ ।

गीतकार तथा संगीतकार बुद्धराज लिम्बूको शव्द तथा संगीत रहेको गीतमा गायिका स्वयम् सुनिता थेगिम, सुजन आङदेम्बे, दिनेश नाछिरिङ, अनुसा राई, बिजय राई र नवीना सम्बाहाङफेको अभिनय रहेको भिडियो आईतबार सार्वजनिक गरिएको हो ।

इगल आई भीउको प्रडक्शन रहेको भिडियोलाई प्रमोद भण्डारीले तयार पारेका हुन् । भिडियोमा क्याच स्टुडियोको पोष्ट प्रडक्शन तथा स्मृति राईको मेकअप रहेको छ ।

देबेश राईको संगीत संयोजनमा सेवा रेकर्डिङ स्टुडियोमा रेकर्ड गरिएको गीतको मिक्सिङ तथा मास्टरिङ मुस्कान मुकारुङ राईले गरेका हुन् ।

पुर्बेली मौलिक शव्द संगीतलाई आधुनिकिकरण गर्न लिम्बु मिथकहरु समेत राखिएको गीतको भिडियो गायिका सुनिता थेगिमको अफिसियल युट्यूव च्यानलबाट सार्वजनिक गरिएको हो ।

भिडियो हेर्नुहोस…..