ललितपुर, २५ पाैष । जनमत पार्टीका अध्यक्ष सीके राउतले राजनीतिक दलले निर्वाचनमा कति मत प्राप्त गर्नुपर्ने भनेर थ्रेसहोल्ड राख्न नहुने बताएका छन् । हाल रहेको थ्रेसहोल्ड अझ बढाउन लागिएको भनेर उनले विरोध गरेका छन् । उनले दुइ दलीय तानासाही सिण्डीकेट नचाहेकाे बताए ।

नेपाल जस्तो धार्मिक, भाषिक, सांस्कृतिक, भौगोलिक र जातीय विविधतापूर्ण देशमा सानोभन्दा सानो समूहको आवाजको पनि प्रतिनिधित्व सदनमा हुनुपर्ने अध्यक्ष राउतको मत छ ।

सरकार थ्रेस हाेल्ड थपेर पहिचान र अन्य पक्षलाइ राेक्ने तयारी गरेकाेमा उनले विरोध गरेका छन् । ‘६/७ लाख गर्दै दशौं लाख (३०–४० लाख) जनताको मतलाई खारेज गर्ने र सो हिस्सा चोर बाटोबाट ठूला पार्टीमा जोड्ने निर्वाचन थ्रेसहोल्डको प्रावधान आमजनतालाई स्वीकार्य हुन सक्दैन’ यसकाे लागि ‘हामी संघर्षका लागि तयार छौं । -उनले भनेका छन् ।

प्रतिनिधिसभा निर्वाचन ऐन २०७४ मा समानुपातिक निर्वाचन प्रणालीतर्फको कुल सदर मतको तीन प्रतिशत वा सोभन्दा बढी मत प्राप्त गर्ने दलका तर्फबाट मात्र उम्मेदवार निर्वाचन हुने व्यवस्था छ ।

अर्थात, तीन प्रतिशत मत नल्याउने दलले पाएको मतको प्रतिनिधित्व सदनमा हुँदैन । साे मत स्वतः ठूला पार्टीले पाउने छन् ।