कमला मदन आश्रितले मनायो ६२औं बार्षिकोत्सव तथा अभिभावक दिवस

,   लिम्बुवान न्युज
                       

दमक, १५ माघ/ झापाको कमल गाउँपालिका वडाँ नम्बर २ क्याम्पास्थित कमला मदन आश्रित स्मृति माध्यमिक विद्यालयले आज ६२औं बार्षिकोत्सव तथा अभिभावक दिवस विभिद कार्यक्रमका साथ सम्पन्न गरेको छ ।

बार्षिकोत्सव तथा अभिभावक दिवसको अवसरमा नवनिर्मित भवन उद्घाटन, शिक्षक तथा अक्षयकोष दाताहरु सम्मान, अक्षयकोष घोषणा, पुरस्कार वितरण र वृहत साँस्कृतिक कार्यक्रम गरी विद्यालयले बार्षिकोत्सव तथा अभिभावक दिवस मनाइएको हो ।

विद्यालय व्यस्थापन समितिका अध्यक्ष होमबहादुर बरालको अध्यक्षतामा बार्षिकोत्सव तथा अभिभावक दिवस सम्पन्न भएको थियो । बार्षिकोत्सव तथा अभिभावक दिवसको उद्घाटन कमल गाउँपालिकाका प्रमुख हुकुमसिंह राई र गाउँपालिकाकी उपप्रमुख प्रमिला न्यौपाने तिवारीले गर्नुभएको थियो ।

सो समारोहमा विद्यालयमा लामो समयदेखि शिक्षण पेशामा कार्यरत खेमप्रसाद सापकोटा र विद्यालय व्यस्थापन समितिका पूर्व अध्यक्ष डिल्लीराम अधिकारीलाई दोसल्ला ओढाएर सम्मानपत्रसहित सम्मान गरिएको थियो । २०८१ असारबाट विद्यालयबाट सेवानिवृत हुनुहुने शिक्षक सापकोटालाई दीर्घसेवाबाट सम्मान गरिएको हो ।

त्यस्तैं, विद्यालयमा विभिन्न विषयगत उत्कृष्ट हुनुहुने शिक्षक तथा शिक्षिकाहरुलाईसमेत सम्मान पत्र प्रदान गरिएको थियो । यसरी सम्मानित हुनुहुनेहरु शिक्षक तथा शिक्षिकाहरुमा यामनारायण प्रधान, मदन मिश्र, बिमल भट्टराई, मनोज गौतम, मुना खड्का लगायत छन् । सम्मानित शिक्षक तथा शिक्षिकासहित सेवानिवृत शिक्षक सापकोटा र विद्यालय व्वस्थापन समितिका पूर्वअध्यक्ष अधिकारीलाई कार्यक्रमका प्रमुख अतिथि एबम् गाउँपालिका प्रमुख राई, बिशिष्ट अतिथि एबम् उपप्रमुख न्यौपाने र विद्यालय व्यवस्थापन समितिका अध्यक्ष बरालले संयुक्त रुपमा सम्मान गर्नुभएको थियो ।

सोही अवसरमा विद्यालयमा दुई वटा फरक फरक विषयगत अक्षयकोष स्थापन गर्ने घोषणा गरिएको छ । विद्यालयका पूर्व विद्यार्थी, सामाजिक अगुवा तथा शिक्षक बिष्णु निरौलाले दिवगंत आफ्ना पिता गौरीनाथ निरौलाको स्मृतिमा रु १ लाखको अक्षयकोष र विद्यालय व्यवस्थापन समितिका पूर्वअध्यक्ष जीतलाल गौतमले रु १ लाख ११ हजार १ सय ११ को अक्षयकोष स्थापना गर्ने घोषणा गर्नुभएको छ । त्यस्तैं, दमकका व्यवसायी राजेन्द्र ढकालले विद्यालयमा अध्ययनरत विपन्न तथा जेहेन्दार १ सय ५० बढी विद्यार्थीहरुलाई स्वीटर वितरण गर्नुभएको छ ।

कार्यक्रममा विद्यालयका सहायक प्रधानध्यापक आइतबहादुर राईले स्वागत मन्तव्य राख्नुभएको थियो । त्यसबीच, विद्यालयका प्रधानध्यापका हिमप्रसाद दाहालले विद्यालय स्थापनाकालदेखि हालसम्म भएका प्रगती तथा संस्थागत बिबरणहरुसहितको प्रतिवेदन प्रस्तुत गर्नुभएको थियो । कमल २ का वडाध्यक्ष अशोक सुब्बा, १ का वडाध्यक्ष केदार कटुवाल, ३ का अध्यक्ष अग्नीप्रसाद कोइराला, शिक्षा शाखा प्रमुख सूर्यप्रसाद सापकोटा, स्वास्थ्य शाखा अधिकृत दिपक दाहाल, दमक शिक्षा शाखा अधिकृत सोमप्रसाद गुरागाई, नेता भीमबहादुर राई लगायतका बिशिष्ट व्याक्तित्वहरुको उपस्थिति थियो ।

कार्यक्रममा विद्यालयका विद्यार्थीहरुले मनोरञ्जनात्मक गीत, नृत्य र खेलहरु प्रस्तुत गरेका थिए । कार्यक्रममा विद्यालय व्यवस्थापन समितिको तर्फबाट अध्यक्ष होमबहादुर बरालले धन्यवाद मन्तव्य विद्यालयका शिक्षक यमनारायण प्रधानले कर्यक्रम सञ्चालन गर्नुभएको थियो ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;