विरोध प्रदर्शनलाई किरात धर्म तथा साहित्य उत्थान संघका अध्यक्ष तथा पहिचानवादी नेता डकेन्द्र सिं थेगिम, गायिका झुमा लिम्बू, संयुक्त संघर्ष समितिका संयोज्क खगेन्द्र फेम्बु लिम्बूलगायतले सम्बोधन गरेका थिए । उनीहरुले मुन्धुमी स्थलमा केबलकार बन्न नहुने र आफूहरुले कुनै पनि हालतमा बन्न नदिने अडान दोहोर्याएका छन् ।
सदरमुकामको प्रवेशद्वार तोक्मेडाँडाबाट सुरु भएको र्याली दोबाटो, पुरानो कोप्चे, वीरेन्द्रचोक, पुरानो बैंक लाइन हुँदै फेरि तोक्मेडाँडाको फाल्गुनन्द चोकमा आएर कोणसभामा परिणत भएको थियो । तोक्मे क्षेत्रमा विरोध स्वरुप भित्तेलेखन पनि गरिएको छ ।
निर्वाचन आचारसंहिता समेतलाई दृष्टिगत गरी आफूहरुले शान्तिपूर्ण प्रदर्शन गरेको संयुक्त संघर्ष समितिका संयोजक फेम्बुले बताए । लिम्बू याक्थुङहको पचिचान मुन्धुमिस्थलमा केबलकार खारेजी आफूहरुको प्रमुख माग रहेको उनले दोहोर्याएका छन् ।
यसैगरी आज आन्दोलनरत समूहले यसअघि मुक्कुमलुङ संरक्षण आन्दोलनक्रममा भएका घाइतेहरु र पक्राउ परि जेल बसेकाहरुलाई सम्मान सम्मान गरेको छ । दर्जनौं घाइते भएका दिए भने आन्दोलनमा तीन दर्जन बढी पक्राउ परेका थिए । राज्यले अहिले पनि मुद्दा लगाइरहेको संयोजक फेम्बुले बताए ।
यसैगरी आइतबार मुक्कुम्लुङ क्षेत्रमा कान्छीथान देखि माथी धागो टाग्ने कार्यक्रम रहेको जनाएका छन् । प्रदर्शनका क्रममा हुन सक्ने गतिविधिलाई दृष्टिगत गरी प्रशासनले नेपाल प्रहरी र सशस्त्र प्रहरी उल्लेख्य संख्यामा परिचालन गरेको छ भने सेना समेतको संयुक्त गस्ती सदरमुकाम क्षेत्रमा गराएको छ ।
यश अघि गत माघ १२ र १३ गते पूर्वी नेपालका विभिन्न जिल्ला र मुख्य सहरमा कोणसभा गरेका थिए ।
यसरी नै १९ गते मुक्कुमलुङ क्षेत्रमा प्रदर्शन र कोणसभा गर्ने तथा २० गतेदेखि माघ मसान्तसम्म पाथीभरा केबलकार र पाथीभरा क्षेत्र विकास समिति गठन आदेश खारेजी, मुक्कुमलुङ संरक्षणका क्रममा भएको आन्दोलनमा लगाइएका मुद्दा खारेजी माग गर्दै आन्दोलन गर्ने बताइएको छ ।
यस्तै आगामी फाल्गुन २१ गतेको मुख्य चुनावी एजेन्डा मुक्कुमलुङमा नोकेवलकार लिएर आउनेलाई मात्र भोट दिन गाउँबस्ती अभियान चलाउने उल्लेख बताइएको छ ।
तस्बिरहरु: संजालबाट साभार
