दमक। नेपाल प्रेस युनियन माइपश्चिम क्षेत्रीय समिति दमकले यसवर्ष पनि बनभोज कार्यक्रमलाई निरन्तरता दिने भएको छ । दुई वर्षदेखि बर्सेनी आयोजना गरिदै आएको वनभोज कार्यक्रमलाई यसवर्ष पनि यहि माघ ३० गते शुक्रवार आयोजना गरिने निर्णय भएको अध्यक्ष विष्णु सुब्बाले वताए ।

संगठनका सदस्य तथा परिवारहरुवीच आपसी भाइचारा अभिबृद्धि गर्न वनभोजलाई यसवर्ष पनि निरन्तरता दिईएको उनले वताए । वनभोज इलामको चुलाचुली ५ स्थित चपेटीमा हुने छ ।

बनभोज भव्य रुपमा सम्पन्न गर्न युनियनका जिल्ला सदस्य नगेन्द्रमणी न्यौपानेको संयोजकमा तीन सदस्यीय तयारी व्यवस्थापन उपसमिति गठन गरि काम थालिएको जनाईएको छ ।

बनभोजमा माइपश्चिम क्षेत्रका युनियन सदस्यहरु, विभिन्न पत्रकारजन्य संघसंगठनका नेतृत्व तथा सञ्चार गृहका चार दर्जन बढी पत्रकारहरुको सहभागिता रहने संयोजक न्यौपानेले वताएका छन् ।