धरान। सुनसरीको धरानमा युमा साम्योले तेस्रो बर्षिक उत्सव भव्य रुपले मनाएको छ । कार्यक्रम धरान १५ स्थित युमा साम्योे कार्यालयबाट ¥याली सहित भानुचोक हुँदै बुढासुब्बा मन्दिर परिक्रमा गरी विजयपुर परिसरमा पुगेर सभामा परिणत भएको थियो ।

¥यालीमा यवा साम्वा तथा फेदाम्वा र च्याब्रुङ सहित जातिय भेषभुषाहरूमा सजिएर सहभागी भई अव आउने जनगणनामा युमा साम्यो धर्म लेखौ र याक्थुङ लिम्बुहरूको मौलिक धर्म नै युमा साम्यो हो भन्ने नाराको प्लेकार्ड सहभागी भएका थिए ।

कार्यक्रममा करिव झण्डै ३०० जना भन्दा बढीको उपस्तिति रहेको थियो । फेदाङमाहरुले विजयपुरमा पुगि आफ्नो मुन्धुम अनुसार पुजा गालिसराव बगाएको छ । साथै उभौलिपुजा, आईतबारेपुजा, युमापुजा गरी सतमि पोलमि छर्कि विभिन्न पुजा आर्चना गरेको छ ।

यस बार्षिक उत्सवमा धाननाँच लगायत विभिन्न सांगीतिक मनोरञ्जन पनि दिएको थियो । बार्षिक उत्सव कार्यक्रमका प्रमुख अतिथि दवेन्द्र वनेम ज्युले सम्पुर्ण ९ जिल्ला लिम्बुवानमा रहेका लिम्बू समुदायहरूलाई जातको आधारमा लिम्बू र धर्मको माहोलमा युमा साम्यो लेख्न पनि आग्रह गरेका छन् । प्रमखु अतिथि वनेमले विजयपुर हाम्रो लिम्वुवानको ऐतिहासिक दरबार हो भनी किटान गर्दै अरूण पुर्वको ९ जिल्ला लिम्बुवान भएको बताए ।

कार्यक्रम युमा साम्योका केन्द्रीय स्तरका पदधिकारीका साथै धरानवासीहरुको उपस्थिति रहेको थियो ।