माङसेबुङ,लिम्बुवानखबर। किरात साम्यो नालीफूङ्वा मुजोत्लुङ पान्जुम्भोको पाँचौ केन्द्रीय महाधिवेशन हुने भएको छ । किरात धर्ममा आबद्ध युवाहरुको साझा संस्था पान्जुम्भोको माघ २४ गते बसेको पूर्ण बैठकले सो निर्णय गरेको हो ।

पान्जुम्भोको पाँचौं महाधिवेशन आगामी चैत २९ र ३० गते इलामको माङसेबुङमा गरिने बताइएको छ । कार्यक्रमलाई किरात चोत्लुङ मुहिङगुम अङसी माङगेना सेवा समितिका केन्द्रीय अध्यक्ष केहेरसिं योङहाङ्ले सम्बोधन गर्ने आयोजकले जनाएको छ । कार्यक्रमलाई भव्य रुपमा सम्पन्न गर्न नालीफूङ्वाहरुको बृहत् उपस्थिति गरिने भएको छ ।

किरात धर्ममा लामो समय योगदान गर्नु हुने पुर्व नालीफूङ्वा मुजोलुङ समितिका २ जना व्यक्तित्वहरुलाई सम्मान–पत्रद्वारा सम्मान गर्ने जनाएको छ छ । त्यसै गरी १ महिला र १ पुरुषलाई नालीफूङ्वा जुझारु पुरस्कार–२०७७ प्रदान गर्ने समेत बैठकमा निर्णय भएको समितिको केन्द्रीय सचिव योगेस लाओती “चुक्सा याप्मी”ले बताए ।

कार्यक्रममा प्रत्येक जिल्ला, स्थानीय तह तथा वडाबाट प्रतिनिधि र पर्यवेक्षकहरु सहभागी हुने आयोजकले बताएको छ ।

समितिको कार्यवधी गत २०७७ साल कातिक १६ गते समाप्त भएको थियो तर विश्व महामारीको रूपमा फैलिएको कोरोना भाइरस कोभिड १९का कारण महाधिवेशन स्थगन नालीफूङवा पान्जुम्भो केन्द्रीय अध्यक्ष दीपक तिगेला खेवाहाङ (लिम्बु) बताए । उनले चैत्र २९ र ३० गते हुने दुई दिवसीय महाधिवशेनमा उपस्थितिको लागि तमाम नालिफुङ्वाहरुलाई आव्हान गरेका छन् ।