माङसेबुङ। रात धर्मावलम्बीहरुको आस्थाको केन्द्रमा इलामको माङसेबुङ्लाई आज बेहुली झैं सिंगारिएको छ । गुरुआमा मुहिङगुम अङसीमामाङ साँबा पवित्रहाङमा लिङ्देनको ६५ औं शुभ जन्मोत्सव तथा मुहिङगुम अङसीमाङ लिङ्देन आत्मानन्द ‘सेइङ’ नुमाङगेन्ना सेवा समारोहको तयारी पूरा भएको आयोजकले जनाएको छ ।

हरेक बर्ष आजका दिन गुरुआमाको जन्मोत्सव मान्न किरात धर्मावलम्बीहरु माङसेबुङ् आउने गरेका छन् । धार्मिक पर्यटकीय स्थलको रुपमा समेत परिचित यस तिर्थस्थलमा हरेक वर्ष मनाइदैं आएकोमा यसबर्ष पनि भव्य आयोजना गर्न लागिएको शुभजन्मोत्सव समारोहको सम्पूर्ण तयारी पूरा भएको मूल समारोह समितिले जनाएको छ ।

भव्य कार्यक्रम सम्पन्न गर्न विभिन्न कार्यक्रमहरु गरी फाल्गुन २, ३ र ४ गते मनाउँदै आईरहेको कार्यक्रमले किरातीहरु बिचको आपसरी सद्भाव र धार्मिक चेतना अभिवृद्धि गराउन पनि यो कार्यक्रमले मद्दत गरेको छ ।