दमक। पहिचानवादी नेता कुमार लिङदेन मिराक झापाको गौरादहमा आउने भएका छन् । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल मातहतको लिम्बुवान भोलेन्टियर्सले फागुन ५ गते गर्न लागेको जनप्रदर्शनलाई सम्बोधन गर्न मञ्चका अध्यक्ष समेत रहेका लिङ्देन गौरादह आउने कार्यक्रमका संयोजक प्रवक्ता राईले जनाएका छन् ।

बुधबार हुने सो कार्यक्रमको सम्पूर्ण तयारी पुरा भएको प्रवक्ता राईले जनाएका छन् ।

कार्यक्रममा झापाको सबै स्थानीय तहबाट ५० वटा बसद्वारा कार्यक्रममा कार्यकर्ताहरु उपस्थित हुने छन् भने इलामको दक्षिणी क्षेत्र र मोरङको पूर्व क्षेत्रबाट ५० बस गरी १ सय बसबाट उपस्थित हुने संयोजक राईले बताए ।

वर्तमान ओली सरकारको असंवैधानिक कदमको विरोध गर्दै आएको मञ्चले पूर्वमा विगत १५ बर्ष देखि निरन्तर पहिचानको आवाज उठाउँदै संविधान संसोधन गरेर लिम्बुवान सहितको १०+१ प्रान्त कायम गर्न माग उठाउँदै आईरहेको छ ।

आदिवासी जनजातिले पाएको अग्राधिकार आई एल ओ १६९ लाई कार्यन्वयन गर्न शसक्त आवाज उठाउँदै आईरहेको छ । राज्यले हस्तक्षेपकारी कार्य बन्न गर्न समेत भोलेन्टियर्सले खबरदारी गर्न प्रदर्शन गर्न लागेको प्रवक्ता राईले बताए ।

संघीय मञ्चले झापाको दमक र गौदाहद नगरपालिकाको संगम स्थलमा चीन सरकारको लागानीमा बन्ने क्लिन पार्क पिढीतहरुले उच्चित मु–आब्जा पाउने पर्ने भन्दै आवाज उठाईरहेको समेत जनाए । त्यसैगरी सो पार्कले चर्चेका जग्गाधनीहरुको परिवारलाई रोजगारीको ग्यारेन्टी पनि गर्नु पर्ने मञ्चले माग राखेको छ ।