माङसेबुङ् गाउँपालिकाको आठौं सभा सम्पन्न

 लिम्बुवान न्युज
                       

माङसेबुङ। इलामको किरात धार्मिक पर्यटकीय क्षेत्र माङसेबुङ् गाउँपालिकाको आठौं गाउँसभा सम्पन्न भएको छ । ४५ करोड ५३ लाख ३० हजार ६ सय ५२ रुपैयाँको संसोधित नीति, कार्यक्रम तथा बजेट पारित गर्दै पालिकाको सभा सम्पन्न भएको हो ।

गाउँपालिका उपाध्यक्ष सुनिता सुब्बाले प्रस्तुत गरेको अनुमानित ४५ करोड ५३ लाख ३० हजार ६ सय ५२ रुपैयाँको संसोधित नीति, कार्यक्रम तथा बजेट पारित भएको छ । सातौं गाउँसभाबाट पारित ३३ करोड ११ लाख रुपैयाँको नीति, कार्यक्रम तथा बजेटलाई आठौं सभाले १२ करोड ४२ लाख ३० हजार ६ सय ५२ रुपैयाँ रकम थप गरि संसोधन पारित गरेको हो ।

सभाले आयतर्फ विभिन्न शिर्षकहरुबाट आउने रकमहरु संघीय समानीकरण अनुदान ८ करोड ७८ लाख, संघीय राजस्व बाँडफाँड ६ करोड ७२ लाख ९३ हजार ३०, प्रदेश समानीकरण अनुदान ६९ लाख ९१ हजार, प्रदेश सवारी कर बाँडफाँड ४९ लाख ४ हजार, प्रदेश समपूरक अनुदान १ करोड, आन्तरिक आय ६२ लाख, मौज्दात १० लाख ११ हजार ९ सय ७०, संघीय सशर्त अनुदान १४ करोड ६९ लाख रुपैयाँ उल्लेख गरेको छ ।

यसैगरी अन्य शिर्षकहरु संघीय सशर्त अनुदान थप १ करोड १४ लाख ४८ हजार, प्रदेश सशर्त अनुदान ६ लाख ३० हजार, बाँकी बैंक मौज्दात ५ करोड ९१ लाख २८ हजार ६ सय ५२ रुपैंयाँ उल्लेख गरेको छ । गरीबसँग विशेश्वर कार्यक्रम ५ लाख ४६ हजार, प्रधानमन्त्री रोजगार कार्यक्रम अन्तरगत कार्यान्वयन हुने कामका लागि पारिश्रमिकमा आधारित सामुदायिक आयोजना ५२ लाख २२ हजार, स्थानीय पूर्वाधार विकास साझेदारी कार्यक्रम (संघीय सांसद) ५७ लाख ५४ हजार, गरिब घरपरिवार पहिचान तथा परिचयपत्र वितरण कार्यक्रम १७ लाख ८१ हजार, सामाजिक सुरक्षा कार्यक्रम ३ करोड ९४ लाख २५ हजार र पोषण विशेष कार्यक्रम (स्वास्थ्य क्षेत्र) संचालन ३ लाख ३६ हजार रुपैयाँ आय हुने अनुमान गरेको छ ।

त्यस्तै व्ययतर्फ माङसेबुङ् गाउँपालिका वडा नम्बर १ मा ८३ लाख ५१ हजार, २ मा ७१ लाख ५१ हजार, ३ मा ८६ लाख ५१ हजार, ४ मा ७८ लाख ५१ हजार, ५ मा ९३ लाख ५१ हजार, ६ मा ८४ लाख ८४ हजार रुपैयाँ विनियोजन गरेको छ । त्यस्तै सामाजिक क्षेत्रमा ७१ लाख ५० हजार, सुशासन र अन्तरसम्बन्धित क्षेत्रमा ५ लाख, आर्थिक क्षेत्रमा ९४ लाख ४४ हजार, पूर्वाधार क्षेत्रमा ३ करोड ९२ लाख ६० हजार, कार्यालय संचालन तथा प्रशासनिक क्षेत्रमा १० करोड ६ लाख १६ हजार ६ सय ५२ रुपैयाँ विनियोजन गरेको छ ।

संघीय सरकारबाट हस्तान्तिरित कार्यक्रममा १५ करोड ८३ लाख ४८ हजार, प्रदेश समपूरक अनुदान १ करोड, प्रदेश सशर्त अनुदान ६ लाख ३० हजार, पशुसेवा शाखा २० लाख, उर्जा विकास कार्यक्रममा ४२ लाख ५० हजार, स्वास्थ्य शाखामा ४८ लाख ५२ हजार, शिक्षा, युवा तथा खेलकुद शाखामा १ करोड ३४ लाख १७ हजार, कृषि विकास शाखामा २० लाख रुपैयाँ विनियोजन गरेको छ ।

गरीबसँग विशेश्वर कार्यक्रममा ५ लाख ४६ हजार, प्रधानमन्त्री रोजगार कार्यकेरम अन्तरगत कार्यान्वयन हुने कामका लागि पारिश्रमिकमा आधारित सामुदायिक आयोजना ५२ लाख २२ हजार, स्थानीय पूर्वाधार विकास साझेदारी कार्यक्रम (संघीय सांसद) ५७ लाख ५४ हजार, गरिब घरपरिवार पहिचान तथा परिचयपत्र वितरण कार्यक्रम १७ लाख ८१ हजार, सामाजिक सुरक्षा कार्यक्रम ३ करोड ९४ लाख २५ हजार र पोषण विशेष कार्यक्रम (स्वास्थ्य क्षेत्र) संचालन ३ लाख ३६ हजार रुपैयाँ विनियोजन गरेको छ ।

त्यस्तै ५ सदस्यीय लेखा समिति गठन गरेको छ । माङसेबुङ गाउँपालिका आर्थिक विकास समितिका संयोजक मैतराज राईको संयोजकत्वमा लेखा समिति गठन गरेको हो । समितिका सदस्यहरुमा सन्तबहादुर वि.क., इन्द्रबहादुर लिम्बू, राममाया लिम्बू र तिलरुपा सबेहाङ् रहेका छन् ।

गाउँसभा माङसेबुङ गाउँपालिकाको सभाहलमा अध्यक्ष डिकेन्द्र इदिङ्गोको अध्यक्षतामा सम्पन्न भएको छ ।

(फोटोः नयाँ बुलन्द)

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...