लिम्बुवानखबर। झापाको माइ पश्चिममा सक्रिय पत्रकारहरुको छाता संगठनको रुपमा स्थापित पत्रकार मञ्च दमकको दुई पत्रकार जन्य संगठनहरुले बहिस्कार गरेको छ । आज आयोजना गरेको भनिएको साधारणसभालाई नेपाल प्रेस युनियन र प्रेस संगठन नेपालले बहिष्कार गरेको हो ।

ती दुवै संगठनले आज संयुक्त विज्ञप्ति निकालेर मञ्च विधि र प्रकृयाबाट नचलेको भन्दै साधारणसभा बहिष्कार गरेको उल्लेख गरेका हुन् । विज्ञप्तिमा मञ्चको कार्यकाल दुई वर्ष भएपनि अधिबेशन गर्न नचाहेको, साधारणसभामा पत्रकार महासंघसहित अन्य पत्रकारजन्य संघसंगठनहरुलाई वेवास्ता गरेकाले नैतिक रुपले साधारणसभा बस्न उपयुक्त नभएको उल्लेख गरिएको छ ।

संस्थाका कतिपय संस्थापक र कतिपय पूर्व अध्यक्षहरु र अधिक सदस्यहरुलाई सहभागी नगराई मञ्चले साधारण सभाका नाममा गुटगत भेला मात्रै गरेको ति संगठनका नेताहरुको बुझाई छ ।

विज्ञप्तिमा युनियनका माइपश्चिम अध्यक्ष विष्णु सुब्बा र प्रेस संगठनका तर्फवाट अनिलदेव राईको हस्ताक्षार छ । ती दुवै संगठनले मञ्चलाई विधान अनुसार सञ्चालन गर्नका लागि अविलम्ब अधिबेशनको मिति तय गर्न माग गरिएको जनाईएको छ । साथै अन्य पत्रकार जन्य संगठन तथा स्वतन्त्र पत्रकारहरुले समेत मञ्च विधि र प्रक्रियामा नगई अगाडि बढेकोमा असहमति जनाएका छन् ।

पत्रकार मञ्चको साधारणसभा सम्पन्न

नेपाल प्रेस युनियन र प्रेस संगठन नेपालका पत्रकारहरुको वहिष्कारका बीच पत्रकार मञ्च दमकले एघारौँ साधारण सभा गरेको छ । राष्ट्रिय सभाका सदस्य देवेन्द्र दाहालको प्रमुख आतिथ्यतामा भएको साधारणसभा गरि सम्पन्न गरिएको छ ।

मञ्चका अध्यक्ष मनकुमार गदालले संस्थाको प्रतिवेदन र कार्यवहाक कोषाध्यक्ष धनबहादुर थेवेले आर्थिक प्रतिवेदन पेस गरेका थिए । त्यस अवसरमा दमक उद्योग वाणिज्य संघका अध्यक्ष गोकुल श्रेष्ठले पत्रकार मञ्चको अक्षय कोषका लागि ५ हजार ५ सय ५५ रुपैयाँ हस्तान्तरण गरे । त्यस्तै, सांसद दाहालले मञ्चको अक्षय कोषमा ५० हजार रुपैयाँ दिने घोषणा गरेका छन् ।

कार्यक्रममा फोनिजका केन्द्रीय सचिव कमन देवान, उद्योग वाणिज्य महासंघ दमकका अध्यक्ष गोकुल श्रेष्ठ, प्रेस संगठन झापा संयोजक टिकाराम उप्रेती, पत्रकार गञ्ज बहादुर दहाल लगायतले मन्तव्य राखेका थिए । मन कुमार गदालको अध्यक्षतामा भएको कार्यक्रमको संचालन सचिव देशराज नेम्बाङ्ले संचालन गरेका थिए ।