ताप्लेजुङ्। संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल सिदिङबा गाउँपालिकाले जनसभा गरेको छ । आज (मंगलबार) भञ्ज्याङ माविको प्राङ्गणमा मञ्चका संघीय अध्यक्ष कुमार लिङदेन मिराकको प्रमुख आतिथ्यतामा कार्यक्रम आयोजना गरिएको हो ।
सभालाई सम्बोधन गर्दै अध्यक्ष लिङदेनले लिम्बुवान विखण्डनकारी नभएको बताए । अर्को प्रसङ्गमा बोल्दै –लिम्बुवान आन्दोलनले सिदिङबा, याङवरक गाउँपालिकाहरुको नामकरण गर्न सफल भएको बताए । जुन दिनसम्म लिम्बुवान, खम्बुवान, दलितको मुद्दा किनारा नलागेसम्म कहिल्यै पिध भाग्ने छैन, कहिल्यै नथाक्ने उद्घोष गरेका छन् । उनले भने —“यतिबेला नेपाली जनताले नयाँ बैकल्पिक राजनीति शक्तिको आवश्यक महसुस गरेका छन्, त्यसैले अब मञ्चलाई एउटा बैकल्पिक शक्ति बनाउन तिर लागौं ।” अध्यक्ष लिङ्देनले लिम्बुवान घोषणा नभएसम्म एक इन्च जग्गा पनि नकिन्ने र घर पनि नबनाउने उद्घोष गरेका छन् । यद्यपी उनले अठारौं पल्टसम्म लिम्बुवान पार्टी फुटेपनि आफू अलिकति नहल्लिएको बरु मेचीमहाकालीसम्म संघीय मञ्चलाई पु¥याउने लक्ष्यका साथ अगाडि बढेको बताएका छन् ।
कार्यक्रममा मञ्चका प्रान्तीय उपाध्यक्ष डिवि खुदाङ, महासचिव शान्या योङहाङ, संगम खनाल, संघीय अर्थ संयोजक विष्णु यक्सो, प्रान्तीय उपमहासचिव इन्दीरा मेन्याङ्बो, सचिव राजु राई, दलित मुक्ति मञ्चका महासचिव शर्मिला बागचन्द, लिम्बुवान मञ्चका जिल्ला अध्यक्ष भुपेन्द्र मावो लगायतका नेताहरुले सम्बोधन गरेका छन् ।
यसैगरी विभिन्न पार्टी परित्याग गरि करिब पचाज जना संघीय मञ्चमा प्रवेश गरेको मञ्चका उपाध्यक्ष खुदाङ्ले जानकारी दिएका छन् । कार्यक्रम लिम्बुवान मञ्चका सिदिङबा गाउँपालिका अध्यक्ष पूर्ण ताम्लिङ्को अध्यक्षतामा भएको छ । त्यसैगरी यस कार्यक्रमको संचालन युवा विद्यार्थी नेता कुलराज मावोले गरेका थिए ।
ललितपुर, ५ असाेज। किरात याक्थुङ चुम्लुङ (कियाचु) ले याक्थुङ समुदायको मुन्धुमी ज्ञान, संस्कार, अनुष्ठान र मौखिक परम्पराका जीवित संवाहक पेलिफाङ्साम्–मुराबाङ्हरूको संरक्षण, सम्मान, पुस्तान्तरण र संस्थागत एकीकरणका लागि तदर्थ समिति गठन गरेको छ। असार ४ गते...
दमक, ५ भदाैं। वर्षाका कारण क्षतिग्रस्त बनेको दमक–चिसोपानी सडक (फाल्गुनन्द मार्ग) को माङसेबुङ खण्ड मर्मत गरिएपछि यातायात सञ्चालनमा सहजता आएको छ। तीनवटा गाउँपालिकाको संयुक्त लगानी र समन्वयमा सडक मर्मतसम्भार गरिएपछि रोकिएका सवारी साधनहरू पुनः सञ्चालनमा...
दमक, ४ भदाैं । आदिवासी याक्थुङ्/लिम्बू जातिको प्रतिनिधिमूलक संस्था किरात याक्थुङ् चुम्लुङ् (कियाचु) को ३८ औं स्थापना दिवसको अवसरमा छात्रवृत्ति वितरण तथा विविध क्षेत्रमा योगदान पुर्याउने व्यक्तित्वहरुलाई सम्मान गरिएको छ। शनिबार विर्तामोडस्थित कियाचु झापा शाखाको...
दमक, १ असोज । झापाको दमक नगरपालिकाले कार्यालय समयमा सामाजिक सञ्जाल प्रयोग गर्ने कर्मचारीहरूलाई कारबाही गर्ने चेतावनी दिएको छ। नगरपालिकाले एक सूचना जारी गर्दै कार्यालय समयमा सोसल मिडिया चलाउने कर्मचारीमाथि कानुनी कारबाही गरिने जनाएको हो।...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७