फागुन । किरात याक्थुङ चुम्लुङ दमक ६ को नयाँ नेतृत्व चयन भएको छ । आज सम्पन्न तेश्रो वडाअधिबेशनले कविन्द्र शेर्माको अध्यक्षता नयाँ कार्यसमिति चयन गरेको हो ।

चुम्लुङका दमक नगर अध्यक्ष देवेन्द्र चेम्जोङको प्रमुख आतिथ्यतामा भएको अधिबेशनले गठित ११ सदस्यीय कार्यसमितिको उपाध्यक्षमा अमृता केरुङ सेनेहाङ, सचिवमा विजय लिङदेन, सह–सचिव यादवसिंह वेघा र कोषाध्यक्षमा पूर्णकुमारी जवेगु साउदेन चुनिएका छन् । यस्तै सदस्यहरुमा मनकुमारी योङहाङ साउदेन, युमा नयङ, सरिता काम्बाङ थेवे, जितेन्द्र योङहाङ र रमा केरुङ शेर्मा रहेका छन् ।

वडाअधिबेशन सम्पन्न गर्न चुम्लुङका आजीवन सदस्य देउकुमार नेम्बाङको संयोजकत्वमा एक निर्वाचन समिति गठन गरिएको थियो । यसैगरि, भोलि दमक १ को र फागुन १५ गते दमक २ को वडाअधिबेशन गरिने चुम्लुङ दमक नगर अध्यक्ष चेम्जोङले वताएका छन् ।