लिम्बुवान प्राप्तिको अन्तिम लडाईसम्म लड्नेछु – कुमार लिङ्देन ‘मिराक’

 लिम्बुवान न्युज
                       

फेदेन। पान्थरको फेदेनबाट संघीय लोकतान्त्रिक राष्ट्रिय मञ्चका अध्यक्ष कुमार लिङदेन मिराकले लिम्बुवान प्रान्त स्थापना गर्नको निम्ति अन्तिम समयसम्म लड्ने उदघोष गरेका छन् । संघीय लिम्बुवान मञ्च, नेपाल पान्थर जिल्लाको चौथो जिल्ला अधिवेशनको उद्घाटनशत्रलाई फेदेनमा सम्बोधन गर्ने क्रममा अध्यक्ष लिङ्देनले बताएका हुन् ।

 

देशलाई दलदलमा फासाउने ओली सरकारको पाखण्डी, लाजघिन नभएको सरकारको विरुद्ध आम जनता सडकमा लामबद्ध लागेर अगाडि बढ्न कार्यकर्ताहरुलाई आव्हान गरेका छन् । कोरोनाले एक बर्षमा असर परिरहेका बेला सोच्नै नसकेका भ्रष्टचार, बलत्कार र चोरी डकैटीले देश तहसनहज बनाएको बताए । अध्यक्ष लिङ्देनले आफ्नो झण्डा उठाएर खुकुरी चुनाव चिन्ह पछि लाम लागेर अघि बढ्न पान्थरवासीलाई आग्रह गरे । त्यसैगरी उनले अर्को प्रसङ्गमा सरकारलाई व्यङ्ग गर्दै भने “ओलीलाई गाली गर्नु र भैसीलाई पुराण सुनाउनु उस्तै उस्तै हो” ।

लिङदेनले यतिबेला मेचीदेखि कालीसम्म संघीय मञ्च पुग्ने क्रममा एकसेएक नेताहरुको जन्म भइसकेको बताए । अर्को प्रसङ्गमा देश १४ खर्ब ऋणमा डुबेको बताउँदै देशको ६५ प्रतिशत बजेट कर्मचारीतन्त्रमा खर्च गर्ने सरकारको पद्दतीको विरोध गर्दै कर्मचारीलाई समायोजन गरेर वा घटाएर नयाँ ढंगबाट अगाडि बढाएर बार्षिक बजेटमा अन्य शिर्षकमा खर्च गर्न सके छोराछोरीहरुलाई नर्स, डक्टर र इन्जीनियर बनाउन सकिने बताए ।

कार्यक्रममा मञ्चका उपाध्यक्ष रामकुमार लिङदेन, संघीय अर्थ संयोजक विष्णु यक्सो, महासचिव संगम खनाल लगायत नेताहरुले सम्बोधन गरेका थिए भने अन्तर पार्टी नेकपा, कांग्रेस, जसपा र राप्रपाका जिल्ला प्रमुखहरुले शुभकामना मन्तव्य रोखका थिए ।

उद्घाटनसत्रको पूर्वसन्ध्यामा रयाली गरिएको थियो । रयाली फिदिमको गणतन्त्र चोकदेखि लिम्बुवान गेट उत्तर हुँदै बजार परिक्रममा गरेर उद्घाटन सत्रको सभामा परिणत भएको थियो ।

कार्यक्रम जिल्ला समितिका अध्यक्ष सागर केरुङको सभाध्यक्षतामा भएको छ भने बरिष्ठ उपाध्यक्ष चन्द्रराज आङदेम्बेले कार्यक्रममा उपस्थित सम्पूर्णलाई स्वागत गरेका थिए । कार्यक्रम संचालन जिल्ला समिति सदस्य तथा पत्रकार मञ्च जिल्ला अध्यक्ष सन्देश सुब्बाले संचालन गरेका थिए ।

अधिवेशनको बन्दसत्र साँझ ८ बजे देखि शुरु जिल्ला समिति पान्थरका अध्यक्ष सागर केरुङले जनाएका छन् ।

(तस्वीरः सागर केरूङकाे फेसबुकबाट)

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...