दमक। किरात याक्थुङ चुम्लुङ दमक १ र २ वडाको नयाँ नेतृत्व चयन भएको छ । आज सम्पन्न दमक २ चुम्लुङको छैठौ वडाअधिबेशनले कर्ण आङदेम्बेको अध्यक्षतामा नौ सदस्यीय वडा समिति चयन भएको हो ।

समितिको उपाध्यक्षमा विन्दु निङलेकु, सचिवमा बुद्धिमान चेम्जोङ चुम्लुङ, सहसचिवमा तिर्था चेम्जोङ र कोषाध्यक्षमा भक्तकुमार निङलेकु र सदस्यहरुमा कुमारी आङदेम्बे, पवित्रा आङदेम्बे, बलबहादुर सुहाङ, कर्ण लिङदेन चुनिएका छन् ।

यस्तै अधिबेशनको वन्दसत्रले विरवहादुर आङदेम्बे, सुवास निङलेखु, तिलसिंह थेगिम, इन्द्र आङदेम्बे रहेको एक सल्लाहकार समिति समेत गठन गरिएको नवनिर्वाचित अध्यक्ष कर्ण आङदेम्बेले वताएका छन् ।

यसैगरि शुक्रवारनै किरात याक्थुङ चुम्लुङ दमक १ को पनि उदिमान तुम्रोकको अध्यक्षतामा नयाँ कार्यसमिति चयन गरिएको चुम्लुङ दमक नगर अध्यक्ष देवेन्द्र चेम्जोङले जानकारी दिएका छन् । सर्वसम्मत निर्वाचित समितिको उपाध्यक्षमा रतनहाङ फियाक, सचिवमा पञ्चमाया हाङगाम, सहसचिवमा प्रेमदिप आङदेम्बे, कोषाध्यक्षमा ओममाया आङदेम्बे र सहकोषाध्यक्षमा रञ्जना सम्बाहाम्फे चुनिएका छन् । यस्तै सदस्यहरुमा लिला आङदेम्बे, मिरा योङहाङ र नरेन्द्र थेगम्बा चुनिएका छन् ।