दमक। याक्थुङ साहित्य गजल समूहले आयोजना गरेको अन्तर्राष्ट्रिय याक्थुङ अनलाइन गजल प्रतियोगिताका विजेताहरुलाई पुरस्कार वितरण गरिएको छ । आज झापाको दमकमा आयोजित कार्यक्रममा विजेताहरुलाई नगद तथा प्रमाणपत्रले सम्मान गरिएको हो ।

अन्तराष्ट्रिय याक्थुङ अनलाइन गजल प्रतियोगितामा सीता ‘पिरती’ प्रथम पुरस्कार हात पारेकि छन् । त्यसैगरी द्वित्तीयले पुरस्कार मचिन्द्र लोवा ‘सेमि’, तृतीय पुरस्कार लक्ष्मीमाङ चेम्जोङ् र सान्त्वना पुरस्कार मनकुमार तुम्रोकले हात पारेका छन् । पुरस्कारको राशी क्रमशः ३० हजार, २० हजार, १५ हजार र ५ हजार रहेको छ ।

कार्यक्रमका प्रमुख अतिथि मुन्धुम तथा भाषा विद हरि हुक्पा चोङवाङको हातबाट पुरस्कृति प्रतियोगीहरुलाई पुरस्कार वितरण गरिएको छ ।
असोज १ गतेबाट शुरुभएको याक्थुङ अनलाइन गजल प्रतियोगिता याक्थुङ आर्ट एण्ड लिटे«चर ग्रुपको फेसबुक पेजबाट प्रशारण गरिएको थियो ।

पुरस्कार वितरण कार्यक्रमसँगै प्रमुख अतिथिबाट सिङ्जागो गजल संग्रहको पनि विमोचन गरिएको छ । यस कार्यक्रममा नवल फाइवेली, टंक सेलीङ, सेसेहाङ फियाक, जितेन पन्धाक लगायतका साहित्यकारहरुले शुभकामना मन्तव्य राखेका थिए । कार्यक्रममा दमक क्षेत्रका साहित्यकारहरुको बाक्लो उपस्थिति रहेको थियो ।

कार्यक्रमको संयोजक जनम लिङ्दम हाङसा र सहसंयोजक इन्दीरा नेम्बाङ् रहेका छन् । प्रतियोगिताको निर्णायकको रुपमा प्राध्यापक मधु केरुङ र प्रेमदिप थाम्सुहाङ् रहेका थिए ।