इलाम। नेपाल पत्रकार महासंघ इलाम शाखाको आगामी चैत्र पहिलो साता हुने नयाँ नेतृत्व चयनको निर्वाचनमा नेपाल प्रेस युनियन र प्रेस नेपालले कार्यगत एकता गर्ने भएका छन् ।
शनिबार दुई संगठनले कार्यगत एकता गर्ने भन्दै ३ बुँदे सहमतिपत्र सार्वजनिक गरेका छन् । सहमतिपत्रमा नेपाल प्रेस युनियनका तर्फबाट निर्वाचन समन्वय समितिका संयोजक विप्लव भट्टराई र सदस्यहरु सोम सुसेली र प्रभाकर प्रधान तथा प्रेस नेपालका तर्फबाट संवाद समितिका राम योङहाङले संयसक्त रुपमा हस्ताक्षर गरेका छन् ।
सहमतिको पहिलो बुँदामा नेपाल पत्रकार महासंघ इलाम शाखाको नयाँ नेतृत्व चयनका लालि हुने निर्वाचनमा नेपाल प्रेस युनियन र प्रेस नेपालबीच कार्यगत एकता गर्ने उल्लेख छ ।
त्यस्तै दोस्रो बुँदामा नेपाल पत्रकार महासंघ इलाम शाखालाई व्यवसायिक÷श्रमजीवि पत्रकारहरुको साझा संस्थाको रुपमा विकास गर्न आवश्यक पहल गर्ने उल्लेख छ ।
तेस्रो बुँदामा जिल्लामा रहेका अन्य संगठनहरुसँग समेत आपसी समन्वय र समझदारी गर्दै अगाडि बढ्न दुवै संगठनको तर्फबाट आह्य्वान गर्ने सहमतिमा उल्लेख छ ।
सहमतिपत्रमा दुई संगठनले कार्यगत एकता गर्ने उल्लेख गरेको भएपनि कसरी गर्ने भन्ने उल्लेख छैन । कुन संगठनले कुन पद लिने भनेर पदको भागवण्डा समेत गरिएको छैन । अन्य संगठनहरुसँग समेत आपसी समन्वय र समझदारी गर्दै अगाडि बढ्न सहजताका लागि तत्काल पद बाँडफाँड नगरिएको दुवै संगठनले जनाएका छन् ।
तर यस अघि नै नेपाल प्रेस युनियन र प्रेस नेपालले यसअघि नै छुट्टाछुट्टै पदमा उम्मेद्वार घोषणा गरिसकेका छन् । प्रेस युनियनले पत्रकार विप्लव भट्टराईलाई अध्यक्ष पदमा र प्रेस नेपालले पत्रकार राम योङहाङलाई सचिव पदमा उम्मेद्वारी बनाउने निर्णय गरिसकेका छन् ।
दमक, १८ मंसिर । सदाकाे बर्ष झै याे बर्ष पनि किरात धर्मगुरू लिङ्देन आत्मानन्द सेइङज्यूको ७१ औ शुभजन्मोत्सव तथा साँबा पवित्रहाङमा लिङ्देनज्यूको नुमाङगेन्ना सेवा महासमारोह भव्य रूपले हुने भएकाे छ । धार्मिक पर्यटकीय तीर्थस्थल इलामको...
दमक, १७ मंसिर । इलामको माङसेबुङमा जारि अन्तरराष्ट्रिय आत्मानन्द गोल्ड कप २०८१ फुटबल प्रतियोगिताकाे उपाधि दुधे युथ क्लब, झापाले पहिलो पटक चुमेको छ । आज सोमबार माङसेबुङ–५ स्थित आत्मानन्द रंगशालामा भएको फाइनल खेलमा तिजोक युवा...
दमक, १५ मंसिर । याक्थुङ मुन्चइत चोक सयङ् प्रदेश नं. १ ’लिम्बुवान किरात’ को प्रथम अधिवेशन सम्पन्न भएको छ । झापाको दमकस्थित गोर्खाडिपार्टमेन्ट स्टोरको सहभालमा शनिबार आयोजित कार्यक्रमले भुपेन्द्र तुम्बाहाम्फेको अध्यक्षतामा कार्य समिति बनेको हो...
ललितपुर, १२ मंसिर । लिम्बु कथामा आधारित चलचित्र “सुगुप” विशेष चलचित्र पुरस्कार २०६० (२०२४) ले सम्मानित भएको छ । सम्माननीय राष्ट्रपति रामचन्द्र पौडेलको हस्तवाहुलीबाट नगद दुई लाख रुपैयाँ, सम्मानपत्र सहित पुरस्कृत भएको हो । चलचित्र...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८