तेह्रथुम, १८ माघ । २०६२/६३ को दोस्रो जनआन्दोलन सफल पछि संघीय लोकतान्त्रिक गणतन्त्र नेपाल अन्तर्गत ऐतिहासिक पृष्ठभुमिको आधारमा अरुण सप्तकोशी पुर्वको भुमि लिम्बुवान राज्य हुनुपर्ने माग सहित संघर्ष गर्न गठन भएको संयुक्त लिम्बुवान मोर्चाका घटक नेता काली बहादुर फुदोङ (के.बि.) को निधन भएको छ ।
तत्कालीन समयमा लिम्बुवान प्रान्त चाहाने सबै दल संघसस्थाहरुको एकीकृत मोर्चा संयुक्त लिम्बुवान मोर्चामा सबै दलका नेता तथा बुद्धिजीवीहरुको उपस्थिति रहेको थियो । मेयङलुङ नगरपालिका वडा नं. ९ साप्ला स्थित आफ्नै निबासमा उच्च रक्तचापका कारण उहाँको सोमबार निधन भएको हो
।
बिक्रम सम्बत २०२० आश्विन ३० गते साधारण परिवारमा जन्मनु भएका फुदोङ बामपंथी राजनीतिका हस्ती समेत हुन । साधारण जीवन यापन गर्न रुचाउने फुदोङ राजनीति अलावा ढाका व्यावसाय गरेर आफ्नो आर्थिक सुधारका क्रियाकलापमा सहभागी थिए । अधिकार र पहिचानको राम्रो ज्ञान भएका फुदोङ सालिन, भद्र, मिजासिला, निडर र स्पष्ट वक्ता समेत हुन । स्वार्थको उनी कयौ अधिकारको आन्दोलनहरुमा राज्यबाट पक्राउ परेका थिए ।
संयुक्त लिम्बुवान मोर्चामा रहेर आफ्नो दर्विलो उपस्तिथि, मोर्चाको हरेक लिम्बुवान आन्दोलनहरुमा सकृय सहभागी, मोर्चाको तर्फबाट प्रधानमन्त्री लगायत मन्त्रीहरूलाई ज्ञापन पत्र बुझाउने सबै कार्यक्रमहरुमा प्रभावकारी भुमिका खेलेका फुदोङ लिम्बुवान आन्दोलनका अविस्मरणीय पात्र पनि हुन ।
फुदोङका एक श्रीमति र ३ भाइ छोरा रहेका छन । ५८ बर्षको उमेरमा निधन भएका फुदोङको स्थानीय खोरुङ्वा खोलामा अन्तिम दाहसंस्कार मंगलबार सम्पन्न भएको छ ।
Related