लिम्बुवानखबर, २९ माघ । निर्वाचन आयोगले राष्ट्रिय मान्यता प्राप्त दलहरुले मात्र स्थानीय चुनावमा चुनाव चिन्ह पाउने कानुनी व्यवस्था भएको बताएसँगै साना दलहरु संघर्षमा उत्रने तयारीमा जुटेका छन् । शनिबार राष्ट्रिय मान्यता प्राप्त नगरेका राजनीतिक दललाई स्थानीय तहको निर्वाचनमा पार्टीको चुनाव चिन्ह नदिने कानुनी व्यवस्थाका विरुद्ध २४ वटा दलहरूले आन्दोलन घोषणा गरेका छन् ।
विवेकशील साझा पार्टीको केन्द्रीय कार्यालयमा बसेको विभिन्न दलका नेताहरूको बैठकले यो निर्णय गरेको हो । निर्वाचन आयोगमा दर्ता भएर सम्पूर्ण विधि प्रक्रिया पूरा गरेका दलहरूलाई स्थानीय तहको निर्वाचनमा पार्टीको चुनाव चिन्ह प्रयोग गर्न नदिनु घोर अन्यायपूर्ण भएको उनीहरुले ठहर गरेको छ ।
उक्त बैठकले स्थानीय तह निर्वाचनमा सबै दलहरूले समान रूपमा आफ्नो चुनाव चिन्ह प्रयोग गर्न पाउनुपर्ने विषयमा दबावमूलक कार्यक्रम गर्न ‘चुनाव चिन्ह संघर्ष समिति गठन’ गरिएको बताएका छन् ।
बैठकमा आमूल परिवर्तन मसिहा पार्टी, एकीकृत शक्ति नेपाल, जनजागरण पार्टी नेपाल, जनता समाजवादी पार्टी, नेपाल, नेकपा (समाजवादी), नेपाल आमा पार्टी, नेपाल दलित पार्टी, नेपाल परिवार दल, नेपाल विवेकशील पार्टी, नेपाल सङ्घीय समाजवादी पार्टी, नेपाल समाजवादी पार्टी, नेपाल समाजवादी पार्टी (लोहियावादी), नेपाल सुशासन पार्टी, नेपाली काँग्रेस (वी. पी.) सहभागी थिए ।
त्यस्तै, नेपाली जनता दल, बहुजन समाज पार्टी नेपाल, मौलिक जरोकिलो पार्टी, राष्ट्रिय जनमुखी पार्टी लोकतान्त्रिक, राष्ट्रिय प्रजातन्त्र पार्टी, विवेकशील साझा पार्टी, समाजवादी पार्टी नेपाल, सर्वदलीय सङ्घीय परिषद्, सामाजिक लोकतान्त्रिक पार्टी र सामाजिक लोकतान्त्रिक पार्टी पनि शुक्रबारको बैठकमा सहभागी थिए ।
संघीय मञ्च आन्दोलनमा जाने
निर्वाचन आयोगले स्थानीय निर्वाचनमा चुनाव चिन्ह प्रयाेग गर्न नदिए संघीय लोकतान्त्रिक राष्ट्रिय मञ्चले पनि आन्दोलन गर्ने जनाएको छ । मञ्चका महासचिव अशोक चेम्जोङका अनुसार मुलुक संघीय लोकतान्त्रिक गणतन्त्र नेपाल भनी संविधान समेत पारित भइसकेको अवस्थामा लोकतान्त्रिक मूल्य र मान्यताको बर्खिलाप गरी एकात्मकवादी षडयन्त्रपूर्ण चुनाव गरिए त्यसको विरोध गर्ने र चरणबद्ध आन्दोलन गर्ने चेतावनी दिएका छन् ।
निर्वाचन आयोगमा दल दर्ता गर्न लगाउने अनि ठूला भनाउँदा संघीयता विरोधी दललाई मात्र चुनाव चिन्ह दिनु न्यायसंगत नभएको उनको तर्क रहेको छ । संघीय मञ्च प्रदेश नं. १ को राष्ट्रिय पार्टी हो ।
ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...
ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...
ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...
दमक, १५ असार । मोरङको पथरीशनिश्चरे—१० स्थित किरात युमा माङहिमले धार्मिक आस्थाको लागि राखिएको त्रिशुल र नेपालको राष्ट्रिय झण्डा लडाउनेहरुको खोजी गरेर कारबाहीको माग गर्दै शनिबार पत्रकार सम्मेलनको आयोजना गरेरै आक्रोश व्यक्त गरेका छन् ।...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७