लिम्बुवानखबर, १ फाल्गुन । जनता समाजवादी पार्टी (जसपा)का शीर्ष पाँच नेताहरू छलफलमा जुटेका छन् ।

आइतबार काठमाडौं लाजिम्पाटमा संघीय परिषद् अध्यक्ष डा. बाबुराम भट्टराई, अध्यक्ष उपेन्द्र यादव, वरिष्ठ नेता अशोक राई, महेन्द्र राय यादव र राजेन्द्र श्रेष्ठ छलफलमा जुटेको जसपा स्रोतले जानकारी दिएको छ ।

यसअघि बिहीबार जसपाका तीन शीर्ष नेता डा. भट्टराई, यादव र राईबीच संवाद भएको थियो । जसपामा संघीय परिषद अध्यक्ष डा. भट्टराई र अध्यक्ष यादवबीच केही समयबीच संवादहीनताको अवस्था सिर्जना भएको थियो ।

‘पार्टी विभाजन तर्फ उन्मुख भइरहेको खबर बाहिर आइरहेको बेला बसेको यो बैठक अर्थपूर्ण रहेको स्रोतले बताएको छ । एक कार्यकारणी नेताका अनुसार पाँच शीर्ष नेताहरु विवाद समाधानका लागि छलफलमा जुटेका हुन् भने लामो समयदेखि शीर्ष नेताहरु संवादहिनताको अवस्थामा रहेको हुँदा त्यो अन्त्य हुने ति नेताले बताएका छन् ।