मोरङ्, ३ फाल्गुन । संघीय लिम्बुवान प्रान्तीय मञ्च, नेपाल मोरङ जिल्ला क्षेत्र नं. २ को प्रदेश निर्वाचन क्षेत्र क मा संगठन विस्तार भएको छ । मंगलबार आयोजित कार्यक्रममा लोक बहादुर लिवाङको अध्यक्षतामा तदर्थ समिति गठन भएको हो ।

मञ्चका प्रान्तीय महासचिव भानु भट्टराईको प्रमुख आतिथ्यतामा सम्पन्न कार्यक्रममा लिवाङको अध्यक्षतामा तदर्थ समिति गठन भएको छ । समितिको सह–संयोजकमा महेश सहनी, सचिवमा थुम बहादुर भण्डारी, सहसचिवमा शरद चन्द्र इङनाम, अर्थसचिवमा शुनिता मंडी रहेका छन् ।

यसैगरी सदस्यहरुमा सरोज धामी, प्रदीप वैठा, दिल प्र.माबो, शिवनारायण विस्वास, टिका हाङमा, गणेश वि.क, प्रेम राई, भिम नेयोङ, महेश सहानि, विजय धिमाल, किशुन ऋषिदेव, रमानन्द ऋषिदेव, खैरु ऋषिदेव, जगदीश ऋषिदेव र वीर बा.लिम्बू रहेका छन् ।

कार्यक्रम लिम्बुवान प्रान्तीय सचिव तथा निर्वाचन क्षेत्र ख का संयोजक रामचन्द्र मगरको अध्यक्षतामा भएको थियो । उक्त कार्यक्रममा प्रान्तीय सचिव दिलु लिङदेन लावती, दलित मुक्ति मञ्चका उपाध्यक्ष बलराम सदा, पहिचान समिति सदस्य गोपाल पौडेल, मोरङ जिल्ला अध्यक्ष जीवन खेवा, सचिव बरुण लाबुङ्, सचिवावय सदस्य बल बहादुर पङयाङगु, रतुवामाई अध्यक्ष लेख बहादुर थक्लुङ लगायत नेताहरुको उपस्थिति रहेको थियो ।

कार्यक्रमको सहजीकरण लिम्बुवान भोलेन्टियर्सका उपकमाण्डर राजु लिम्बुले गरेका थिए ।