लेटाङ, ७ फागुन । मोरङको लेटाङमा नेपाली कांग्रेसका क्षेत्रीय सदस्य काली बहादुर चेम्जोङ् सहित विभिन्न पार्टी परित्याग गरि ११ जना संघीय लिम्बुवान प्रान्तीय मञ्च, नेपालमा प्रवेश गरेका छन् । शनिबार लेटाङस्थित पार्टी कार्यालयमा आयोजित कार्यक्रममा मञ्चका संघीय बरिष्ठ उपाध्यक्ष ज्ञान बहादुर गुरुङले अविर र खदा ओढाई नवप्रवेशीहरूलाइ पार्टीमा प्रवेश गराएका हुन् ।

प्रवेश कार्यक्रमबाट भिम कुमार लिम्बु, गणेश चेम्जोङ, शहरमुखी लावती, वीर बहादुर माखिम, लोकबहादुर खजुम, भिम बहादुर लेक्वा, लोकबहादुर तामाङ, दिपक लिम्बु, मोहन सिं सम्बाहाम्फे र भिम तामाङ्ले विभिन्न पार्टी परित्याग गरि मञ्चमा प्रवेश गरेका छन् ।

प्रवेश गर्नु महानुभावहरुलाई उपाध्यक्ष गुरुङले स्वागत सम्मान गर्दै पार्टीको विभिन्न समितिहरुमा उचित जिम्मेवारी दिने प्रतिबद्धता व्यक्त गर्नुभएको छ ।

पार्टी प्रवेश कार्यक्रमको अध्यक्षता लेटाङ नगरअध्यक्ष किशोर राईले गरेका थिए भने संचालन नगर सचिव शेरसिं लिम्बुले गरेका छन् । कार्यक्रममा संघीय सहसचिव चौकीदार तामाङ, संघीय सचिवालय सदस्य ललित बहादुर लिम्बु (फक्ताङलुङ फोबा), मोरङ जिल्ला अध्यक्ष जीवन खेवा त्यसैगरी जिल्ला सदस्यहरु रुपनारायण कुरुम्बाङ, रामकुमार राई त्यसैगरी मोरङ क्षेत्र नं. १ (ख)का संयोजय भवानी माखिमको उपस्थिति रहेको थियो ।