दमक, ९ फागुन । संघीय लोकतान्त्रिक राष्ट्रिय मञ्चका संघीय सचिवालय सदस्य तथा प्रदेश १ समन्वय समितिका सचिव नन्दुभाई मेन्याङबो पितृ शोकमा परेका छन् । उनका बुबा इन्द्रबहादुर मेन्याङबो (काँचोबारे)को आइतबार साँझ ७ बजे ७५ बर्षको उमेरमा आफ्नो निजि निवासमा असामयिक निधन भएको हो ।

ताप्लेजुङ जिल्लाको थेचम्बु गाविस वडा नं. २ गैरीगाउँमा २००३ साल साउन २२ गते जन्मनु भएका पिता लामो समयदेखि सुगर, प्रेसर र प्यारालाइसिस ग्रसित रहेका थिए । उनको निरन्तर उपचार भईरहेको नेता मेन्याङबोले बताए ।

लामो समय भारतीय सेनामा कार्यरत बुबा अन्यन्तै मिलनसार, सामाजिक तथा जातीय अधिकारको लागि लढन प्रेरित गरिरहनु हुने एक अभिभावक मञ्चले गमाएको लिम्बुवान मञ्चका प्रान्तीय उपाध्यक्ष यलम्बर खम्बूले बताए । वहाँको प्रेरणाले आज जातीय पहिचानको आन्दोलनमा सरिक भएका छौं -उनले भने ।

हाल झापा जिल्लाको मेचीनगर १२ धाइजन (माइलाबारी)मा स्थायी रुपमा बस्दै आउनु भएका पिताको आजै किरात धार्मिक परम्परा अनुसार आरआली जंगलमा अन्त्येष्टी गरिने छोरा तथा मञ्चका नेता मेन्याङबोले बताए ।