धरान, ११ फाल्गुन । संघीय लिम्बुवान प्रान्तीय मञ्च, नेपाल मातहतको एल.भी. कमाण्डले सुनसरी जिल्लाको क्षेत्रीय इन्चार्जहरुलाई नियुक्ति पत्र प्रदान गरेको छ । लिम्बुवान भोलेन्टियर्सका सहकमाण्डर गणेश मिभकले मंगलबार धरानमा आयोजित कार्यक्रममा कमाण्डरहरुलाई नियुक्ति पत्र प्रदान गरेका हुन् ।

भोलेन्टियर्सका सहकमाण्डर भुपाल चेम्जोङ, उपकमाण्डरहरु अदत लिम्बु, कैलाश गुरुङ, राजु लिम्बु त्यसैगरी मञ्चका सुनसरी जिल्ला अध्यक्ष अमर इजमको उपस्थितिमा सुनसरी निर्बाचन क्षेत्र १ र २ मा एलभी सह–इन्चार्ज नियुक्ति गरिएको हो ।

उक्त कार्यक्रममा क्षेत्र १ मा झरेन्द्र देवान र क्षेत्र २ मा बुद्ध राई नियुक्त भएका छन् । त्यसैगरी धरान उपमहानगर हेर्ने गरी सिनियर फिल्ड कमाण्डर सरन लिम्बु त्यसैगरी सहफिल्ड कमाण्डरहरुमा देवेन्द्र चेम्जोङ र असु लिम्बु लगायत १५ सदस्यीय कमाण्ड गठन भएको छ ।

कार्यक्रमको सभाध्यक्षता साजन पङयागुले गरका थिए भने स्वगत मन्तव्य मञ्चका उपमहानगर अध्यक्ष सञ्जुहाङ साँबाले गरेका थिए । यसरी नै कार्यक्रम संचालन राजकुमार वनेमले गरेका थिए ।